倉鼠有事怎樣辦? (急想知,Thx)

係咪實定佢係女仔(如果係男鼠,就可能唔係腫,而係鼠鼠既睪丸)?d毛開晒叉係咪即係濕左分開晒咁?有冇甩毛見到見肉?排泄物有冇異常?腫起係有生粒定係入面腫?
如果真係女仔,而又有腫既情況,建議你唔好用皮膚藥水,咁既情況並唔似單純既皮膚病,就算有甩毛,都可能係其他問題而做成,一定要自處理較嚴重問題先,可睇醫生時睇埋or處理好嚴重問題再用藥

以我理解你係話女鼠尾部毛濕令毛分開,而patpat內腫,唔係外面有粒,因為有d資料唔係咁肯定,所以如果我理解錯煩請補充,呢個情況有以下幾個可能:

A.濕尾症
特徵及處理方法:
1)濕尾症同肚瀉係好似,排泄物都係會較軟甚至液體咁,但濕尾症就會見到鼠鼠既尾成日都濕左,嚴重d既時候會發出惡臭添!因為肚瀉,所以尾部好易會腫左
2)鼠鼠會唔係點食野,冇咩力咁
3)濕尾症可能會引起直腸脫出同埋脫水,兩樣都好危險,所以一有濕尾症就要盡快睇醫生,唔係就好易死
4)濕尾症會傳染,患病期間一定要將鼠鼠隔離,鼠鼠既用品同籠都要用小動物專用消毒劑OR牙膏清理得好,但怕打擾到鼠鼠令鼠鼠有壓力,所以3日左右洗一次籠就可以
5)濕尾症係嚴重既疾病,有D在發病24小時內就已經捱唔住,所以一定要盡快睇醫生,嚴重既疾病可考慮以下既鼠醫生:
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/
基本診金$290,藥及手術另計

B.子宮腫瘤(體內腫瘤)
女鼠下體腫,可能會係子宮腫瘤,都有機會係其他體內既腫瘤,體內既腫瘤一般唔係咁易被發現,初時可能會冇咩徵狀,到後來就可能會有內出血,下體出血既情況
呢D都係好嚴重既問題,一定要睇醫生處理,睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,可能會好累咁,係冇咩胃口既

C.整親
留意返有冇第隻鼠OR物品會整親鼠鼠令鼠鼠腫左,如果受到細菌感染,就會形成膿瘡,如果已經見到有膿瘡就一定要睇醫生處理,處理方法可參考B點
整親處理方法:
1)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
2)檢查下個籠同籠入面既野有冇d咩
3)保持個籠乾爽清潔,避免細菌感染
4)如果有外傷,可以買外傷藥同鼠鼠噴
5)嚴重就緊係要睇醫生啦