海南島好唔好玩?

海南島的海口市沒有什麼睇頭，您預咗帶您去埋D唔等洗嘅地方叫您買野居多。
中途食吓走地鸡、東草羊咁啦！OK好食嘅(等您留個好印象)
去到三亞就真正全程陽光與海灘，如果住在近沙灘的酒店，就真係正到爆！水清沙幼，住一個禮拜都唔想走！
以新華的質素同江湖地位，您都唔駛諗？！泳池水就有得您游。希望佢地安排到一個下午俾您地優遊自在係沙灘游吓水、曬吓太陽，咁就一樂也！
海南島的民風很純樸，沒有太多蛇頭鼠眼的人，日間太熱，冇Mud人係條街度做野，因為電力供應有限，晚間亦唔會好繁榮。
如果要食海鮮之類，很貴！返香港食仲好過！
by the way, 新華的團友通常很年青，應該幾好玩！

2個人既答案一樣既@@
一齊去海南島架?

首先, 海南島天氣好熱, 冬天都著短袖衫, 而家去你諗住唔著衫呀?

而果度地方都好鄉下, 就算最大嘅海口市(省會)都唔係咁掂.

我喺海南島住左三晚, 除左海口仲有三亞同博鰲,

晚晚食完飯都冇地方去, 八點未到就返房, 好衰唔衰連電視都冇得睇: 收唔到香港台.



其中一晚去間溫泉酒店, 本來諗住去浸吓, 但係一睇就嚇死人.

所謂溫泉其實得一個水池仔, d 水又唔熱, 仲以為好似中山溫泉果d 咁有幾十個池.

側邊個泳池仲嚇人, d 池水係死水, 泵都唔知幾耐冇開過, 池面仲浮左好多蟲.

冇得浸想話去個酒店大排檔食宵夜, 見到又係嚇到走唔切, 冇諗過可以咁污糟.

大陸嘅管理就係咁, d 酒店起得幾靚都唔擺得耐, 根本d 人就冇管理嘅意識.



海口間酒店都ok, 起碼似間酒店. 但係都係冇夜市.

海口市有一個旅遊點叫做"酒吧一條街", 果晚我都滿懷希望去見識一下.

點知又係一個驚嚇. 所謂一條街, 都明知唔係好似巴提雅咁有氣氛,

但係都形住起碼好似通菜街咁, 點知原來係一條後巷, 數埋先得果六七間吧.

仲要路面係凹凸不平, 落完雨就周圍水氹, 仲要條巷係冇街燈, 除時仆死都未天光.

不過呢樣都唔係最恐怖. 最恐怖係間間吧一個客都冇, 十足十黑店.

因為冇生意, d 吧就搵d 女郎企喺門口拉客. 呢樣先最攞膽, 仲邊敢入去?



所以我話d 大陸人真係唔知搵邊度去諗嘢, 又話海南島重視旅遊, 要大力發展旅遊業,

本來咁特式嘅景點, 應該好好利用, 但係連最基本嘅維修都唔去做.

如果比我做海口市市長, 攪到佢旺過蘭桂坊都得啦.

一個主力吹谷嘅旅遊點都攪成咁, 其他都唔駛講.

連d 講解都係國語居多, 都唔明佢話發展旅遊業即係點解.



d 人話海南島d 海灘好靚, 我又唔覺, 咪又係咁.

玩水上電單車, 降落傘果d 又掠水掠到你暈, 玩一陣要成兩舊水,

人地泰國都係幾條嘢之嘛.

如果你想睇靚沙灘, 去布吉Bali 果d 仲正啦, 起碼抵玩過.



至於食方面, 海南島有所謂四大名菜: 乜乜雞, 乜乜鴨, 乜乜蟹, 東山羊

食完之後就知道, 其實即係白切雞, 鹵水鴨, 薑蔥蟹.

係東山羊比較特別d, 好似落重花椒八角嘅炆羊肉.



或者有人話, 去大陸旅行係咁架啦, 周圍都一樣.

冇錯, 但係如果去d 歷史名城, 好似北京, 西安, 南京果d, 淨係睇古蹟都值回票價.

但係海南島係冇古蹟嘅, 唯一算係古蹟嘅係海瑞墓.


but i no like go to,because people is very nice,me chinese new year go to 海南島,i say no唔好玩