種草可唔可以就咁用沙石?

唔講影響 kH（硬度），因為唔知你o個ｄ係乜o野沙（請用河砂，海沙一定唔掂）石；但都有個唔好處，就係冇肥。種草用泥，泥中有肥，仲可以保持水o既 pH 維持 7 以下，適合絕大多數水草。呢ｄ都係沙石做唔到o既。
用沙都好ｄ，草根有得生長去抓住，用石唔慌細粒啦，石隙都好粗，ｄ草冇法未抓住，結果ｄ大魚一搞可能成條草浮起，當然唔係好事。而草肥除左就咁加落水o既液肥外，仲有根肥、鐵肥，呢ｄ往往係一粒咁埋入泥中o既。石就冇得諗啦。
再加一點，底床o既一個作用係養硝化細菌去處理阿摩尼亞，石隙太大條，表面面積唔會大，可供細菌繁殖o既地方唔多，已經係一大缺點；而石隙同時只能積存污物而冇法子處理佢地，結果水流一大，就會打起埋積o既屎粉。
植物係要光同 co2 做光合作用造醣維持細胞生命，但亦要有唔同養份去做細胞、色素等，呢ｄ元素就來自水同底床，而o係魚缸中呢ｄ元素供應一定有限。所以我地會用不同肥料去補充，如根肥、鐵肥（對造色素好重要）、微量元素（銅、鋅等）。唔施肥唔會死草（因為你換水都會引入少量不同元素，只係唔會夠咁解），但會生長得唔好，如葉會捲起、紅色草唔紅等。

種草用少石得既,
不過我諗佢一年都未必會長高幾多
因為少石係無養份
最好買包泥返黎種啦~

除非你唔比佢晒太陽啦
否則都好難養死
當然唔排除你會放龍蝦入去食草啦=___=(講笑)
養草最緊要係有養份既泥、水、陽光同CO2

你想佢生得好,
你就要施肥~
你出金魚街,
好多鋪頭都會有水草肥水賣
你可以問下d老闆點施肥
多數都係就咁落落去個缸度~
份量睇你個缸幾大啦~

唔施肥當然係得啦
不過生得冇咁勁同靚姐~
同埋你已經無泥底,
養份嚴重欠缺
水草唔會生得幾多嫁真係~
所以你要好好諗下啦~

生物最緊要四樣東西，空氣，水，食物和適量的生活空間，囇唔囇死就要視乎係咩品種，施肥都要視乎係咩品種。