✔ 最佳答案
在下初學，唔準當亂up，唔好咁記得
男命本身財星(女緣)深深藏於人元之內、很弱，但是傷食卻很強，傷食暗生財，除了喜歡口花花之外，其實好可能他暗地裡一直都想偷吃、想外遇、在外邊來多個女人，只是還沒有碰上機會(願意做他外情人的女生)來到而已，上一個大運傷生財，現行大運食生才，下兩個大運都是財才透干之運，正正就是他的女緣運、桃花強了，唉~~~
女命原局寅午戌三合火透出兩丙干比，女命原局比劫強等於男方女緣強、身邊多異性、很容易有偷食之心，也許之前他曾經有過外遇也不定，只是你並不知情。女命天干透比劫便見爭夫，由於兩比透干，所以總會有一次被你發現他的外情，或妳們都知道有對方的存在。現行大運甲午，成了第二個三合火局透出天干兩比，比甚旺，即是男方桃花女緣甚旺，除非他十分挑吃，不然總有一個半個看得上眼而又受他哄。
題外話，那個第三者比你年輕上二十年，老牛難得有"亂"草讓他吃，他不吃才怪。
另外，女命性格上似乎比男命強勢得多，你是否在生活各方給了他不少壓力？而男命局中有女命最缺的五行，可是女命局中卻沒有多少男命最欠缺的，二人相處上，會不會女命對男命較重視、緊張？因而造成男方的壓力？(當然這並不是男人有婚外情的借口！根本就是他沒定力、貪心)
(對與錯也請命主回應一下，謝謝喔~)
2008-04-01 16:06:42 補充：
謝謝回應
你回應的東西裡面，大部份都係講佢投資失利、事業唔掂呢D，難道你認為你地出現問題係因為經濟問題而黎？但都可以話岩，因為男命的比劫就係佢既錢，有強傷泄，就算有錢都擺唔耐，下下丟錢，但女命局中的金都可以幫上少少吧？只係你的力量不足以令佢站起來。
男命身弱，再行水(傷食)運，泄比劫(等於泄財)，這樣看來他行的個天干地支的財運，實際上就是他的破財大運，佢可能很不合做投機性的東西，要踏實的比較好。身弱強傷者就更不宜走財運，因為他根本受不了，他行衰運、損財的大運還多來一個女人(那這個女的似乎也在行衰運)，這會使他的運氣更不好，因財泄弱了他本人的理智意智吧？
2008-04-01 16:07:00 補充：
有的男人結婚後一段日子，不知為什麼對家庭不再負責任，不拿家用回家、不太工作、賭錢，不然就是外遇，像變了另一個人般，家對他來說已經沒意思似的，然後女方就變了家庭經濟支柱，那個男人就像遊魂咁無所是事、外遇。其實你的情況與我一位友人頗為相似，不過友人老公係衰賭錢、唔願返工，當然就冇家用攞返黎啦，唔問老婆攞錢洗已偷笑。不過妳們都是官殺為忌，分別就是你的傷食很重、官殺甚輕，友人則是傷食輕、官殺甚旺卻逢沖。
2008-04-01 16:07:06 補充：
題外話，男方似乎已失理智，個心去左外遇果度，心理上黎睇，因為佢生意失意時，還碰上一個欣賞自己、不介意自己可能已經沒多少錢的年輕女仔係好難得，會認為個大陸女仔唔係為左佢有錢而跟住佢，而係真係愛佢。坦白講句，所以呢種情況個男人好難自願、理智咁放底個外遇，因為隨手可得既野、食左入肚既野就唔想吐返出黎，除非佢感覺唔好、覺得辛苦、對太太感到好內疚。可惜佢目前對外遇仲有好多憧憬，除左因為隨手可得、已經食左入肚之外，甚至會認為自己可以長期並永久咁佔有住個女仔，除非係個女仔主動走開，或者識左第二個更有發展同前景而又好鍾意既人，不然佢地都唔知要拖拉幾耐，定係無了期一直三角關係下去...
2008-04-01 21:22:05 補充：
咁你果個衰佬(唔好意思，但真係頂佢唔順)就更應對你好D啦！個老婆咁多難關都同佢一起涯過，居然用"外遇"黎報答個老婆？唔係化？
仲要講到明除非個女仔自己，不然唔會唔同個女仔一起？佢真係幾厚面皮兼無恥，好老實我就唔覺得佢對你有丁點兒咁多內疚感囉，係內疚就唔會同你講到明唔會主動唔要出面個女仔啦。佢只係起度玩門面功夫、扮哂野、扮好人、貓哭老鼠，會話你以前同佢過過咁多難關都對佢不離不棄(我覺得係因為佢同外情人仲未去到好穏定，而且個女仔仲好細、未定性、變數較多，所以你老公呢個時候必定唔想失去你呢個一定會支持佢既人，佢唔想冒呢個風險、離婚，所以都要講下討好你既說話。
2008-04-01 21:22:09 補充：
唔好意思，我講野一向都好直，有果句講果句，但都只係客觀者既說話而已，希望你唔好太上心，每個人起每個階段都係玩緊選擇，認為點先至對自己最好，點樣生活下去先係最好？就視乎你點樣去選擇。如果你可以接受呢種三角關係，如果你認為冇必要離婚，如果你認為有半個老公都好過冇，咁保持現在咁樣就係你認為最好既選擇黎。
2008-04-01 23:02:49 補充：
>>唔知你能否憑你所學的命理，可否測到他們有幾耐緣份??
抱歉，我只係個初學者，呢個問題我不會看呢
做女人難，做有子女而個死佬起出面有第二個女人既老婆就更難，受D咁既委屈都仲要死忍(為左仔女)，唉~做女人真係好可憐，嫁到個窮既都唔緊要，最悲係嫁到個冇良心既死佬！有左錢就屎忽痕，忘記左糟糠之妻既感受，忘記左初時老婆點樣同佢一起涯到有錢、涯到事業有成、涯到仔女大哂，正所謂冇功都有勞苦丫，帶細路係用心血去帶大架，又要教，有工人用下都還好可以幫輕下D家務咋，你估D家庭主婦真係日日坐起屋企完全唔洗做架？冇乜錢、事業唔多好景，窮心未盡色心起呢D就仲PK冇出色，都唔諗下D仔女仲需要供書教學要食飯既！
2008-04-02 04:08:39 補充：
>>>官殺 和 食傷 是什麼意思??
官殺，女命之男緣、丈夫、愛情。
食傷，尅官殺之物，所以有說女命傷食強尅夫，尅夫係個唔好聽既名詞(當然都有尅妻)，尅有好多種情況，最間單的解法就是...因為官殺被傷食尅的時候，就會受傷而減弱，變相就係跟丈夫的感情和關係變壞，或者雖然感情好，卻因種種原因而導致生離死別等等情況。當然要以局中的刑沖尅合來看。
2008-04-02 04:08:51 補充：
某女命她還未婚，局中有兩柱傷官，但她跟你不同的是，她身弱，身弱傷食重而官輕的女命，即使行官殺運(表面看來是強男緣之運)，實際上男緣大運是惡夢的開始，可以話更為PK，真係唔拍拖好過拍勒。其尅夫的情況是，跟每個拍拖的對象都拍唔耐，其實唔耐都唔緊要，問題係佢不斷對對方付出愛心、金錢、甚至丟下自尊，可是卻得不到對方真心相待、欣賞、重視，總之就算佢對D男人幾好都一樣，唔洗好耐D男人就漸漸咁消失唔見人或唔想同佢來往太多(所以你已經比她好得多了，至少你結左婚，老公初時也是愛妳的好男人)
2008-04-02 04:09:22 補充：
初戀那個，對方忽然失蹤唔見人，原來已經令娶他人為妻。
第二個，佢訓哂身去愛，男既對佢似乎唔係果回事，但又接受女方對佢好，而女既又樂在其中，以為自己有機會所以就算見到唔對路都唔願放手，係死死纏爛打對男既好。結果呢個男人又係漸漸有咁遠閃咁遠，佢地拉扯左好耐下，之後個男人同左第二個女人結婚去。
第三個，仲衰，男既已離婚，但佢只係想起女方身上得到好處，金錢、愛心、被重視等等，女既又係見有機會就照樣對男既好，又唔想放棄呢個有可能既機會，不過因為上兩次的教訓，佢有少少警戒心，但依然都係有類似既模式....
(
2008-04-02 04:09:31 補充：
以上呢種就係其中一個傷官勁強尅夫既情況，總之男人一埋到佢身就唔知點解感到壓力、唔舒服、唔想同佢來往太多，所以身邊D男人通通走哂，有緣來都留唔住。當然，八字、五行、行運能夠互相配合者就不在此類之中)
不過行緊衰運既老公 / 太太們，唔好張自己行衰運既責任推左去老公 / 太太果度，因為與其話對方尅夫 / 尅妻，倒不如問下你自己有冇咁好命，可以嫁娶到生旺自己既伴侶，仲要有可以長期甚至永久地擁有佢既緣份？
基本上意思係，一個所謂尅夫命既女人唔會嫁比一個日後有運行、事業好順景、將會大富大貴既男人。旺夫既女人都唔會嫁比一個命唔長、將會行衰運、事業唔會有乜大出色既男人。
2008-04-02 04:19:39 補充：
當然尅夫(尅妻)或旺夫(旺妻)都有程度之分
