墮胎後..可以食d咩或唔可以食d咩??

因為你在墮胎手術中失去大量血 , 手術完成後的頭幾天 , 你應多休息少走動 , 待子宮完全排出殘餘的血塊 , 你便要進補了


無論做墮胎手術之後 , 或者生完 BB , 都要補補身 , 如果唔進補一下 , 而家你可能覺得無影響 , 但到你上年紀後 , 你會好明顯的經常病 ,百病纏身 !

常見的補血食品有黑豆、髮菜、胡蘿蔔、麵筋、菠菜、金針菜、龍眼肉、豬潤、紅棗、黑木耳、雞 精 、 蜂 王 漿 、 燕 窩、 川芎 、 白芍 、當歸等。



其實正式的薑湯要有雞、黑木耳、紅棗等 , 你可煲一種較簡單的薑湯 , 同樣有驅風補身功效。你先將雞蛋打混 , 薑切片或幼粒 , 燒熱鑊 , 落少許油 , 將薑下鑊爆香 , 再落雞蛋一齊煎 , 令薑被雞蛋包著 , 然後放 2 碗清水 , 落少許鹽 , 煮滾後放少許酒 , 便可湯連渣一齊吃。你可放九江雙蒸酒 , 但不要放太多 , 因會令薑湯苦澀 , 約 2 湯匙便夠 , 若你家中有糯米酒就更好 , 因糯米酒比九江雙蒸酒有益 , 而且糯米酒不會令薑湯苦澀 , 你可放 1 碗份量 ( 放酒入湯後 , 不要煮太久 , 因酒精會揮發哦) , 若你不怕食內臟 , 可買少許豬潤切片 , 放入水中略浸 , 然後取出豬潤放入鑊 , 用少許油略爆 , 盛起 , 待你煎好薑及蛋 , 便將已爆的豬潤放入鑊與薑蛋一齊, 倒入浸豬潤的水 , 落少許鹽 , 煮滾後放少許酒 , 便可湯連渣一齊吃。



另外有些想簡單的食療 , 薑蓉炒豬潤、豬肝煲紅棗羹、姜棗紅糖水、山楂桂枝紅糖湯、薑汁薏苡仁粥、黑木耳紅棗湯等。(紅棗去核 , 否則會燥)


若果你要上班 , 沒時間煲補品 , 你可每晚將 10 粒紅棗去核 , 用溫水浸一會 , 洗去表面沙塵 , 然後放入真空保暖柸 , 放入滾水 , 焗一晚 , 每日都會有簡單而補血的紅棗水飲。

做左墮胎手術其實等同生完BB一樣。
同生完BB既補身一樣：炒薑飯、煲烏雞、紅棗當歸糖水等。
記住，一定要好好補身，唔係就會身體比以前差，又會怕凍，第時想有BB就難啦！

在西方國家無話咩戒口!主要都係不可飲酒!

在我們這裹就有戒口依樣嘢！

忌:酒、蝦、蟹、鴨、鵝、無麟的魚、蛋、西瓜、荀、牛肉、芒果、菠蘿、生冷(如雪糕、凍飲等).

如食涼嘢或飲凍嘢會引起小腹痛楚和流血！

雞可以食(去皮).

簡單補身:飲猪膶水(免薑).加薑會增加流血量！遲些康復後就加薑去肚裹的風！