養倉鼠bb問題

唔知你隻鼠b係幾多日大?真係未戒奶既b定係由鼠店買返唻既?

A.鼠鼠由出世到成熟,食既野有三個階段:
1)鼠b出世至到大約12日大左右,只會食鼠媽媽既奶
2)到鼠b大約12日大,你會見到鼠b開始出唻搵野食,呢個時候鼠b會食鼠媽媽既奶,又會食鼠糧,所以呢個時候要將D鼠糧整細粒D,如果整到有D近粉狀既話就要加少少水落去,唔係好易會令鼠B哽死
3)到鼠b戒奶後(約21日大),就要同鼠媽分籠,呢個時候就可以完全食鼠糧了,由鼠店買返唻既鼠都係呢個情況

B.如果係已戒奶OR買返唻既鼠,其實已經識得自己食野,呢個情況見到鼠鼠咬唔開野食既話,就要留意返以下既問題:

1)會唔會只係見到鼠鼠收野食入腮,所以唔會咬呢?
呢個情況就唔好幫鼠鼠整開瓜子,如果成日咁幫鼠鼠,令鼠鼠食野都懶,對牙齒不斷長既鼠唔好,加上如果一般食物都食唔到,你幫佢整開瓜子,都仲要整碎佢呢

2)留意鼠鼠會唔會牙齒過長而咬唔到野食
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦

平日你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬
鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既,比較安全

但如果牙已經過長令鼠鼠食唔到野,就磨牙都已經太遲,要剪左牙先

2008-03-30 01:53:03 補充：
因為在第度打完先COPY唻,COPY漏左唔好意思:

C.在正常情況下唔建議俾鼠糧以外既食物俾鼠鼠食,因為混合糧已經好有營養,胡亂俾野俾鼠鼠食,反而易令鼠鼠過肥,詳細原因可參考以下我回答既知識:
http://hk.knowledge.yahoo.com/question?qid=7008022103115

在鼠B未戒奶又識食野既時候,其實已有鼠媽媽既奶補充營養,呢個情況只需俾奶粉沖既奶俾鼠媽媽飲就可以了
如果係已戒奶又牙過長既鼠食唔到野,去睇醫生會俾D營養粉你,沖俾鼠鼠食

你可以買小食
香蕉乾...............
買d維他命
不要比太多瓜子
會死

如果你擔心bb唔夠營養 ,
你可以喺寵物鋪買d營養粉加落d水比bb飲.
至於瓜子呢,有d寵物鋪有賣只有瓜子肉而沒有殼的.