關於藥品藥物成份

膠囊藥丸外殼由Gelatin所做,仲會再分Hard gelatin同soft gelatin(即係透明嗰d),Hard gelatin主要用嚟載藥粉或顆粒,Soft gelatin主要載液體。
膠囊同藥丸成本唔差得遠,不過呢方面學問太多,我讀書時要讀兩年,呢度打一定成篇論文咁長,不過個概念就係,每隻藥o既吸收,化學反應等都唔同,所以要睇番唔同藥物去決定用邊d;而我哋唔係話藥會由邊d器官吸收,概念係酸性化學成份主要在胃部吸收,鹼性化學成份主要在小腸吸收,但係唔係一定,亦唔係話邊d藥只可以喺某個部份吸收,只係主要喺嗰度吸收啫。
糖衣外面當然係糖,其他輔料太多,不能盡錄。
危險藥物所有交收都要有文件記錄,仲要有兩個人簽名先得,記錄最少keep三年,買o既人都要登記身份證號碼。醫生紙o既藥物就仲要再分類,不過就唔駛登記呢d,只要去有註冊藥劑師o既藥房,出示有效醫生處方就得。
mg=miligram毫克, ml=mililitre毫升
講緊重量同容量呀朋友,點比較呀????呢d係物理常識......
食完藥出現非治療反應就係副作用,好似利尿藥咁,可以去水腫同降血藥,如果醫生只係想醫水腫,咁血壓降低就係副作用,但係如果醫生用嚟降血壓,咁尿頻先係副作用。
基本上所有藥或多或少都有副作用,所以醫生會平衡藥物o既利害先會開藥。