✔ 最佳答案
平郵係相對"空郵"而言. 寄去外國可以揀平郵or空郵, 平郵係用船運, 慢d 但係價錢平d, 空郵用飛機運, 快d 但係貴d. 你寄本地的話冇分平郵定空郵
掛號係當你寄一d 好重要o既信, 保證對方一定收到而用的. 寄掛號信你一定要去郵局填一張表, 郵差就會依地址親身派到收信人屋企, 要收信人簽名確認收到封信, 如果收信人唔o係屋企, 就會要求收信人屋企人出示收信人o既身份證影印本先可以收信. (不過通常都唔洗咁煩, 簽個名就ok) 咁就萬無一失啦~ 又如果派信果時收信人屋企冇人, 郵差會放張卡o係收信人信箱, 叫佢親身or 派人去郵局收信. 以上講o既叫"單掛號".
仲有一種叫"雙掛號", 就係當郵差做完以上o既步驟, 收信人收到封信後, 郵局會寄番一張卡俾寄信人, 話俾佢知封信對方已經收到啦~ 當然收費又要再貴d
普通寄信, 無論平郵空郵定掛號, 郵差係一定會派去你屋企信箱, 唔可以要求去郵局拎, 咁係為左方便你. 至於包裹, 如果係細細份放得入信箱佢都會照放, 除非太大放唔入, 佢先會放張卡o係你信箱叫你去郵局拎.
其實點解你好地地唔想佢寄去你屋企呢?咁都係為左方便你je
如果你怕有咩唔俾得屋企人知, 不如寄去你朋友屋企, 叫朋友幫你收