182 中國風電-- 溝貨

呢個時勢溝貨要溝得精明，而且只可溝Ｄ高質素股份。
其實買股成日有個錯覺，就係溝左貨，個價平Ｄ，就有機會平手甚至賺錢走人。呢個概念本身冇錯，但就睇下你買緊咩股。
首先，你要問下自己，當初買182係為長線還是短線短炒？如果只係投機短炒，想賺下差價搵餐飯食既話，當初如見勢色唔對就應該走，而唔係短炒變長揸。如果係短炒，除非你真係有十足把握黎緊佢一定爆升，否則買黎就真係完全冇保障(但講真, 冇可能可以咁肯定, 同埋就算真係肯定係咁, 都只係主觀既意願而已..)
如果係長線持有，咁你持有的理據是什麼呢？冇錯，風電係再生能源，係國家扶持環保能源的前提下，佢理論上係可以直接受惠。但問題係，佢做左呢飯幾耐呢？佢依家手頭上的風電相關資產有幾多呢？風電發電量有幾多呢？手頭上有多少可動用資金呢？資金對於一間剛轉營的公司黎講尤其重要，因為資產唔會自己走出來，而係四出收購而來的，因此現金好重要。我睇番佢份中期業績，現金本有８億左右，但１２月尾的收購預計用９億，１月組合營公司又要用５億，錢從何來？一係佢就繼續向機構借錢，一係就向股東們拎。你如要買佢，預左佢可能會高價配股集資，又再令股價下跌。其實依家佢做風電做成點冇咩人知，所以我依家唯有睇佢份中期業績，俾一個概念你。
第一，呢間公司現時只係半轉營公司，即係業務上有５成係中藥保健產品，有５成就係風電項目。講真，中藥保健產品果邊的增長仍然唔錯，收益增長有成５成左右；至於風電方面，好多項目其實依家都仲係做緊可行性研究，根本就未正式開始運作及投產。但截至去年１２月為止，該公司旗下風電廠共有5000百萬瓦特的產能，算係唔錯，相信黎緊佢更多收購，會令公司的產能進一步提升。而中藥保健方面就會減少業務比重。
除左發電業務，佢有關發電方面的安裝工程及機件方面都佔有一定市場，雖然個市場唔大，但應該頗有增值潛力，可再觀察。
但可以肯定的是，係國家扶持之下，佢享有稅務優惠及可向國營公司購買零件以節省成本。
間公司的實際轉營成果，係佢全年業績應該會有啟示，到時再判定佢係咪值得投資的公司都未遲。值得注意的是，佢的內蒙古太仆寺旗及二連浩特等兩間廠房將於今個財政年度開始運行，成績應該可以係黎緊份業績睇到。
總而言之，你願意投入咁大筆錢入去俾佢，就要知道自己投資緊的係乜野公司，實際營運成點，而唔係就係放左入去，然後不聞不問，咁既話就同街邊俾寶藥黨厄的阿婆冇咩分別了。
投資建議：係佢６月出業績前都唔好再溝，買賣策略以短炒為主，若見其價位到達不錯位置不妨先止蝕。建議$0.6沽出。
**題外話：其實溝貨既原理就係，你用低價買左佢，然後係高位放左，再用呢個賺左的差價去補貼之前Ｄ蟹貨的虧蝕，就形成左好似拉低左買入價咁感覺。所以，假設你係182帳面蝕左1萬，如果你買883(假設)，然後係呢度又賺左１萬，同時再放埋隻蝕緊１萬的182，其實都係冇賺蝕，亦即係達到左溝貨既目的！所以溝貨呢家野唔好咁麻目，買第二隻有料的股，然後用佢帶來的盈利去補貼182的還不是一樣嗎！
我講左咁多~希望你能做一個精明的投資者~祝股運亨通

＊＊希望發問者能盡責，選出心中的最佳者，以免浪費好答案和作答者的心血。