公司有個變態佬

我覺得呢個人都唔萛真係變態,只不過佢係到了求偶的年紀,就好像雄性動物長大成熟便喜歡接近雌性動物一樣是動物的原始天性吧!
但人同一般動物不同的地方是講求禮儀道德,所以男女追求亦要經過各式各樣不同的包裝,同一樣的談話方式亦不可能適合不同的異性要求,同一句說話有人認為有趣亦有人覺得肉麻呢!
只不過呢條友可能少接觸女仔亦不了解女性,到了想女人的年紀才希望得到異性垂青,但又不知如何入手,所以便進退失據,越想接近女仔反而越嚇怕人,女仔都避之則吉了!
講起來佢都幾可憐,如果有成熟的男性指導他正確的男女相處之道或者教他如何討好女仔的說話方式,才可以洗脫變態佬的名稱了!

2008-03-28 20:06:07 補充：
如果你問呢個人要點應付?
我認為你係女仔都係少 d 理佢好d,如果你對佢好d,同佢傾多兩句,或者關心下佢,咁佢實當你鍾意佢,你有排都唔甩得身咯!
點都係要佢信得過的男性朋友指點佢至掂呀!

對呢種人,態度要明確d,唔好比佢覺得自己好有機會,有幾樣野,要特別留意.
1.唔好單獨同佢一齊,因為有一d人,好喜歡比人誤會有艷遇,如果佢突然跑出黎,你地都要冷靜,行開唔好同佢一齊
2.男人都喜歡年輕嘅女性.即使佢地一把年級,都想藉青春女子來令自己睇落青春d,其實係心理問題,亦可以講幼稚,大家唔好認同佢嘅睇法,如果佢講,唔好理佢.
3,所謂專業,你佢嘅工作上知識,講到做人.佢就好幼稚哪.所以你地做咩都針對工作上嘅野就ok,唔好有任何野同仍有關連,以免比位佢上.
4.大家一齊食飯,可唔可以叫到其他男同事同佢坐.減少佢嘅幻想
5.說話可以直接d,明確d,唔好回避,有男朋友嘅,直接了當告訴大家,無男朋友嘅直接講自己外面有男友了,唔好同佢講太多.
呢種人,我公司都有,情況一樣,不過佢結左婚,有三個仔,不過行為同你所提嘅差唔多.我地出去食飯,佢跟得好實,我地唔會唔比佢黎.但只講d普通嘅,而且我地必定會安排佢與同性一齊座,d男同事知佢份人,識做嘅...

我以前公司都有一個咁o既人，都係專業人士，佢個種人呢，真係，話佢變態又唔係，總之好唔正常，好似唔係好識同女仔相處，又好鍾意跟住d女仔，人o地一班女仔傾計佢就借d易走埋去聽，但係又唔搭嘴，又鍾意企係人o地後面唔出聲，唔知佢想點，我估佢未拍過拖，好渴望有女仔理佢囉.......