✔ 最佳答案
恆基發展以前曾持有多項核心業務及資產(例如:香港中華煤氣有限公司),所以股價之前有十幾蚊咁多。
之後恆基主席李兆基曾持出私有化恆基發展但不成功,於是佢就將恆基發展所有重要核心業務轉售晒去母公司恆基地產0012或出售,並將恆基發展除淨(當時持有高位恆基發展股票之股東已獲現金及恆地股票作補償),恆基發展失去所有核心業務,基本上同一間空殼公司冇分別,只剩下某些基建資產權益於國內(例:杭州錢江三橋及安徽省馬鞍山市高速公路之權益)。
所以現價只係反映其現時資產的價值。之前見到股價暴跌,其實只係將公司的價值重新評估之後得來的結果。
至於前景方面,呢隻股可謂冇咩前景可言,因為幾乎所有業務同資產都俾恆基地產果邊拎晒,幾乎變成一間淨現金公司,所以已經冇晒投資價值。
題外話:前幾日之所以升成倍,主要係因為又有人話要洽購佢既資產隨住佢既資產愈來愈少,相信之後被私有化的機會好大。
候低買入,然後靜待恆地提出私有化,都未嘗不是一個好策略。