想問結婚俾人情問題

1. 我朋友喺酒店擺酒, 聽聞要俾$800人情, 是嗎?
答：唔一定，有人都會只俾$500，啲人俾$800係因為覺得酒店啲酒菜貴啲就俾多啲咁解啫！如果交情一般，你俾$500-800都OK！如果好friend既話，可以俾$1000或以上(視乎你既能力)，因為俾到$1000已經唔失禮。

2. 我可以在哪裡買到俾人情o既利是封呢？
答：其實唔洗專登買利是封黎封人情，好多人都係用返佢張帖入面嗰利是封黎封禮，一黎環保，二黎你個朋友都係睇你入面個餡啫！唔會care你用咩黎封禮，所以唔洗買喇！如果你都係覺得想好睇啲，你睇吓你屋企有無啲長既利是封，上面印住"花開富貴"靚靚地既利是封就得。
***記住要寫你自己個名&俾邊個收(即新郎 / 新娘嗰名)***

3. 入到會場之後, 幾時俾封人情同埋俾邊個？
答：當你見到新郎 / 新娘(請人去飲嗰個)，可即刻俾佢。

1. 我朋友喺酒店擺酒, 聽聞要俾$800人情, 是嗎?
基本上都係睇返你同你朋友的交情及自己的經濟狀況。公價就算有，未必人人都方便俾。如果真係朋友，500又好2000又好都可以....人地講800只係因為酒店擺酒比酒樓貴..酒樓4000幾至7000/圍，酒店最少都要6000一圍至萬多元都有。因此，"人情"除左祝賀朋友，亦都係心意，實際d係等朋友可以有$回本。
補多一句，禮貌上去飲最少$500...人地俾帖你你唔好都$300/送禮物。你第時多機會去飲就知多少少架啦!


2. 我可以在哪裡買到俾人情o既利是封呢？
文具店有架啦!你問人有無禮封就可以。另外，你或者可以買張ｗｅｄｄｉｎｇ　ｃａｒｄ放埋人情入去。唔好用白信封。中國人未必中意。唔記得買就用利是封啦。

3. 入到會場之後, 幾時俾封人情同埋俾邊個？
好多時都係俾ｒｅｃｅｐｔｉｏｎ．．．方便人地可以點名同埋安排座位。如果你直接俾新人都可以。不過我自己結婚時真係好忙，感覺上俾ｒｅｃｅｐｔｉｏｎ好ｄ。講明係俾男家定女家。

1.公價500，唔一定800
2.到任何一間文具店都有得買
3.入口簽名比兄弟姊妹，或者見到新人先比都得！

其實上面2位都講得對,

不過人情就最好比番新朗或新娘,

因為如果比左阿爸阿媽,咁你朋友就會冇左你個封人情,

記住新朗或新娘(朋友)既人情係佢地自己袋!!

1. 一般都係$500, 我無聽過要八佰元, 我朋友都係岩岩結婚都係在酒店擺, 都係做$500蚊人情, 不過你都可俾多的隨得你的, 只要唔好少過五佰就得(唔去就可以做少的, 做三佰蚊人情)
2. 你可以在書局或一的賣香燭的店有得買. 我見過在奇趣天地的禮封好靚 (店舖地點: 黃埔, 沙田, 將軍澳)
3. 你簽完名後, 如果你係新娘請你飲咁入到會場就俾新娘, 但如果係新郎請你咁就俾佢啦. 如果兩個都識咁就是但一個啦.

一般 $500. 酒樓
$ 800- 1500. 酒店 ( 要視付交情 )
你可以到銀行買禮卷﹐利是封可以到賣﹐封面要寫上祝福句。
入到會場之後, 俾封人情你朋友的母親或父親 。