請問誇區去公立醫院做產檢得唔得?

06年12月開始 政府醫院改左制, 住係邊區就係邊區生
所以如果你真係想係官塘檢查 你就要報你阿媽的地址
但係你要唸清楚, 如果你報左你阿媽的地址,
你生的時候 要係官塘生. 你生的時候會唔會係阿媽度住等生架
因為如果你係屯門住, 生個時先去官塘都幾麻煩
不過你如果係官塘檢查 到生個時去返屯門生,
咁d資料又會係晒官塘, 又係好麻煩

官塘有健康院架嘛, 其實好似可以係官塘的母嬰健康院個度
做檢查, 咁佢會問你想係邊度生架, 你同佢講係屯門. 好似都得架
不如你打個電話去問下, 佢係電話預約第一次架
你仲可以將你的問題問佢, 佢會有姑娘問你架

希望可以幫到你

而家所有醫院已經分咗區, 就算你報你媽咪官塘地址都只可以去聯合做產檢, 廣華唔會收你.
如果你諗住生完返阿媽屋企度坐月嘅, 咁我就建議你報阿媽地址, 唔係就去番屯門做產檢喇. 你諗下..... 啱啱生完無耐就要山長水遠由官塘搭車返屯門, 你到時仲有個傷口架嘛, 會幾痛架, 又要抱住個 bb, 無謂咁辛苦啫 !

我諗你可以試下用你媽咪個地址去book~

我岩岩有左時係住西灣河, 都係book左東區醫院做產檢; 但到左7個月到就搬左返元朗, 跟住就返左去屯門醫院繼續做檢查同生bb~~

不過你最好諗清楚, 我o個時攪手續都"dum"左唔少時間, 都幾煩下; 最慘係哩間醫院同o個間醫院, 健康院講gei野都唔一致, 你都唔知點做...

同埋如果你諗住最後都係o係你媽咪o個邊生就梗係冇咁煩, 之但係如果你要去返屯門你就要有心理準備, 佢未必有位比你調返入去!!

最好同你老公, 屋企人好好商量下再make final decision!! ^^