四擇一：DSLR的抉擇

即使係中階機,其實畫質唔會同入門機有好大出入.因為主要影響畫質既片幅冇加大到,買中階機主要考慮係操作,即係對高難度題材既把握能力,因為即使畫質點好,影唔到都係冇用.
對把握能力影響最大既就係對焦系統同埋連拍.
呢方面其實Olmypus E3做得好好,全部11點對焦點都係比十字形對焦點更敏感的雙十字形對焦點,連拍都有唔錯既每秒5張.低光同連續對焦都一流,仲有5級防震機身,簡直無可挑剔,不過好可惜佢係4/3系統.即係高雜訊,四方形畫面.好鏡頭又貴,我自己就唔鐘意.
Sony A700有防震機身本來加好多分,個mon又勁靚,但係個對焦設計好低能,中間雙十字但係其他全部係好鷄肋既單線對焦點,即係中間就無敵,其他位就廢廢地,無理由影相下下主體擺中間呱?連拍都冇乜特別,只有每秒5張
Nikon D300似乎最好,單睇對焦點數目都好嚇人,51點對焦仲要有19點十字形對焦點.連拍仲可以加手柄谷到去每秒8幅,己經係以前極速機皇D2Hs既速度.不過睇真啲個對焦點分佈原來所有十字對焦點係集中晒喺中間.側邊又係好似A700咁靠單線對焦點.不過就點都好過A700得一點.D300仲有個自動切換對焦點功能,即係你用一點對咗,佢就會跟據主體的移動自動切換對焦點,呢個可能就係佢要將十字對焦點做得咁密既原因.但係我覺得好小會計算得咁精密先影相的,一般人都係開晒咁多點影機會多啲.
另外好多人話D300雜訊控制有大幅提升,其實都估到九成係靠軟件抺雜訊,我識有D300既朋友都係咁講.冇雜訊之餘都冇咗一定細節.
剩翻40D,有9點十字形對焦,冇咗討厭的單線對焦點,仲有唔錯的每秒6.5幅連拍.而且價錢平D300好多下.不過有小小可惜佢嗰9點又係唔知點解去唔到最需要既角位.反而其他廠連單線對焦點都夠膽擺角位.
不過要快除咗機身仲要配合鏡頭,如果配嗰啲18-200mm天涯鏡係發揮唔到個速度的.如果你錢冇乜硬限制的話,那麼買D300或者40D都係唔錯選擇,我會覺得40D底買一啲.
如果你其實冇必要咁快,只係想要一部中階機,有金屬機身,大觀景窗,雙轉盤,較好手感,咁就買A700底的,因為之後配鏡頭可以慳好多.
E3就由於片幅問題唔係好建議.
買鏡頭單睇名字係未必知道佢支援邊部機的,原廠出的一定只支援自已的機身,Olmypus比較例外,支援埋Leica及Panasonic.副廠如Sigma,Tamron等在規格裏一定會寫支援邊個牌子

以下網頁可以睇到相機規格
http://dcfever.com/cameras/database.php

2008-03-29 11:50:44 補充：
鏡頭靠借始終唔係辦法,尤其係你講緊話過萬一支既高級鏡.除非你識咗個好多錢又冇乜所謂既朋友.我識好多人借完鏡頭俾人都好後悔,未至於冇朋友做.買得成萬銀一支鏡皇既人對鏡頭愛惜程度你係唔會相信的,可能你用完只係多咗一條要用放大鏡先睇到既花痕,支鏡係你自己你可能覺得冇乜所謂,對方可能就心痛死.

2008-03-29 11:50:57 補充：
冇錯轉系統真係要駛好多錢的,所以我都話你錢银冇乜限制先好買Canon或者Nikon機.以一支17-50mm f2.8防震鏡頭為例.Canon 17-55mm f2.8 IS USM要六千幾,Nikon直情冇,原廠AF-S 17-55mm f2.8要9千幾仲要冇防震.但係Sony就可以配Tamron 17-50mm f2.8已經有埋防震.中長距鏡仲誇張.Canon著名的小白70-200mm f2.8L IS USM要一萬三千幾,Nikon小黑五都要一萬一千幾,Sony配支六千幾既Sigma 70-200mm f2.8 macro己經有防震同大光圈.

2008-03-29 11:51:11 補充：
咁係咪話Canon同Nikon鏡唔好呢?答案是否定的,佢地有超聲波對焦,可以比已經好快下既大光圈鏡再快小小.但係如果你因為預算迫住買細光圈鏡咁佢係會慢過Sony用大光圈鏡的.
買轉接環將鏡頭用在其他相機上非常不建議,一來未必搵到,搵到都一定冇自動對焦,大部份連測光都冇,咁用法好辛苦吧,所以始終會因為唔好用而轉系統的.

相信你是第一次買相機，
你可考慮：
1. 你識的人用那品牌？ 用同一品牌的優勢是可交換鏡頭用，可省錢！不要小看這點，一支靚鏡一兩萬好閒，除非你大把錢。

2. 我個人只選 nikon 或 canon，因為 --
a. N 及 C 都 被 記者們選用，尤其是 戰地記者，可靠性是必定的。雖然 你現在不是買 記者用的頂級機，但 如將來想換 用 N 或 C 系統(牌子)，你便會浪費今天用來買鏡頭、閃光燈 等 的金錢。

b. 二手價較好，市面的拍友都是 用 N 或 C，將來放機較易

c. 以前 MINOLTA (可能你未聽過) 的相機業務 已賣了給 SONY，M 的相機科技 是很先進的，但也贏不了 N 或 C，不排除是 可靠性問題 (我也有一部 MINOLTA，他們的 QC 不大好，新機的 追焦系統有 BUG，換新機後不足兩年 另一地方 又壞了。

3. 如你下不了決定 用 N 或 C，最好可拿上手 看看 手感如何，哪部揸得舒服，按鈕 位 就你手便買，因這是也是 人機合一 的重要一項。

2008-03-28 15:38:35 補充：
鏡頭一般不可能靠 名稱 / 品牌 分，但 實情是可以用 接環把不同 規格的 相機 及 鏡頭接上，但功能上可能不能盡用。

就算 是 同廠出，如 NIKON 相機 配 NIKON鏡頭也不一定無問題，因科技發展怏，新機 配 舊鏡有機會唔夾，想確定 夾唔夾最好問代理！ 機械上接得上，不等於 電子系統接得上。