急，比番錢佢．可唔可以唔告我

1. 你基本上犯咗盜竊罪. 係刑事案. 刑事案件最終係由律政處決定是否提出起訴. 即係如果警方落案控告你, 單case就會轉交律政署. 如果律政署決定告你, 你就要上法庭.
件事己經進入刑事司法程序, 告唔告你由律政處決定. 受害人身份變成証人, 佢完全無權話告與唔告. 亦因為件事己經進入刑事司法程序, 如果你俾錢俾受害人, 以求換取佢唔告你 / 唔作証, 雖然d錢原本屬佢, 但亦算係以金錢換取不被控告, 即係犯咗妨礙司法公正罪, 最高可判監7年. 所以警員講嘅嘢係啱嘅.
2. 如上所講, 如果你被控告, 你會要上法庭受審. 如果你認罪或被裁定有罪, 你會被罰兼會留案底.
通常如果你係初犯, 有正職, 同個官講你只係一時貪心, 而家知錯, 兼俾番d錢事主, 咁好大機會只係罰款守行為, 唔會坐監嘅. 但案底就一定會留. 走唔甩嘅.

你之前犯過案未先,如果犯過就未必睇輕單k士

你所犯的係刑事罪行, 告你ge係律政司,比$出泥都無用
將會出現情況:
1) 警察會通知你出庭日期
2) 出庭當日早d去法院, 第一堂有duty lawer幫你,記住係duty lawer唔駛$的,但你要早d去找佢同佢傾,比埋你個case no.比佢,講明你認罪
3) 出庭時個官問你認5認你咪話認law
4) 到時一般都會獲不提証供起訴, 最多守行為1年 ,5會留案底, 1年內5再犯事就無野
5)不過呢個紀錄警察會keep住,當買個教訓啦