註冊擺酒事宜一問

想問一下如果結婚,book 左酒席後,要排期註冊,會可排唔到架?因為怕訂左酒席又註唔到冊?



如果你有擇日子，又想0係政府註冊處登記，咁就需要婚期前3個半月預先登記拎籌(揀地點及時間)

不過如果你登記唔夠人快，好可能真係會排唔到。因為我07年11月結婚，我0個日好旺，好似話半小時都唔洗就無晒全港各地點及時段的籌。

但係萬一你真係搶唔到籌，都可以考慮請律師到婚宴場地證婚(哩個幾乎最易解決)或者幫襯婚禮註冊公司。我就係後者，不過都早成半book。

因為你要知道心水時間係人人都想要，唔早就可能無。

如果真係就唔到，一係就婚禮及註冊分開2日。不過就考慮返日子、支出(因為你可能2日都想穿婚紗，搵人影相攝錄、book車等)同埋d親友係唔係可以2日都到。





如果仲有其他0野問，你可以再leave msg，我嘗試答下，因為我之前都攪左好耐，結婚都幾多0野攪架

只想大家有個開心順利的婚禮, 所以說出我不愉快的經驗, 我的不滿是:

-拍VIDEO 個人黑口黑面直頭好似你得罪左佢咁
-個VIDEO 吾係拍足全程
-去到酒樓要人叫佢地至過來影相
-敬酒時, 主人家已經敬左三四圍都未見佢地出來影野

我認為這兩個婚禮攝影師, 只是求求其其影幾張有貨交就算:
係响金都頂樓一上去個間

放心啦!

你想係好日子book酒席, 依家講緊係book一年後嘅booking, 除非你唔介意係 d 凶日、破日擺酒, 或者你只係擺10圍以下, 又或者你係大嶼山/屏山擺啦.... (講真的)

同理婚姻註冊處只不過辦理3個月內的booking, 所以理論上 book 左酒席再去慢慢排期註冊係無問題的.

假如你真的咁好彩, 比你 book 到一年內的酒席, 咁你可以去 d 無咁受歡迎的註冊署, 如沙田或屯門婚姻登記處; 或者考慮依家開始流行嘅搵律師做註冊, 法律上又無問題, 又完全就晒你 d 時間, 可行性很高

宜家好少排唔到期註冊喇！因為好多人都簡律師証婚！

但你註冊既時間係咪啱你，就好睇你攞簡時間既號碼(前 / 後)，如果輪到你簡既時間太晏，會搞到你之後既schedule都要推後。

所以當你3個月前上網預約註冊時間，你最好揾多...多幾個人幫你，預約註冊時間係9:00am，你地就最好8:55am ready好晒所有嘢(即係一早輸入好新郎新娘既個人資料&聯絡電話)，一到9:00就send，若有幾個人幫手，多數會有人中，係頭1、2籌，咁你要簡既時間，自然多好多啦！

其實不用擔心架！最緊要book左酒席先，因為旺日的酒樓都好full架！Book完酒席後，如果你擇個日是星期六、日的話，好多時註冊署都不開，如果開都比平日貴好多！
你有冇考慮用律師證婚呢？我結婚都是用律師證婚，好處在於方便，不用趕去註冊，晚上開席前註冊就可以，而且個場是屬於自己，可以用幾耐都得，不似得註冊署得十五分鐘時間，就要到第二pair。而且之前的價錢都不是太貴，如果你有興趣知道的話，可以email俾我︰[email protected]

朋友，而家唔駛驚架．
排唔到婚姻註冊，可以去找那些可見証婚禮的律師到場，
只不過係比多少少錢．
一樣可以攪惦
反而你驚ｂｏｏｋ唔到酒樓好過啦．．

可以先向酒樓/酒店查詢有無檯數, 不落訂, 註左冊先落訂
其實擺酒同註冊未必一定是同一日

真係有機會ga...我都有朋友擺酒和註冊分兩日搞......
怕排唔到期, 就唔好去d咁旺場ge....例如文化中心和紅綿道就一定最多人揀....
或者仲有一個選擇, 就係可以揾律師搞....比多少少錢, 一定註到冊, 仲可以自己揀埋地方tim.....希望幫到你啦!!