月供儲畜定月供基金較好?

月供儲蓄最好去中資銀行做零存整付，唔會蝕，冇手續費。
有年期限制的基金多數會同保險掛鈎，會收保費同行政費（銀行或保險公司收），同樣亦會收基金認購費等（基金公司收），唔一定賺，可以蝕錢的。http://www.icbcasia.com/big5/retail/invest/fundinfo/ut_fs_JFCN_ZH_HK.pdf
呢個係其中一隻基金的滙報，有齊收費資料。同保險掛鈎的單除了滙報中的收費外，亦會收保費同行政費。這類單在合約年期前斷單要比罰款，要問得好清楚。
另外一種是月供純基金，不包保險成份，部份基金每月最低認講額為HK$500，大多數都是HK$1000。呢類月供基金除了上列滙報中的收費外，沒有其他收費，可以隨時停供（即是唔再供，但將基金繼續放在基金戶口內等佢自己升值），亦可以隨時贖回（將基金變賣為現金）。無年期限制，所以無罰款。
基金投資涉及風險，至於風險高低，是視乎基金組合而定。基金組合簡單來說分兩方面，1 投資市場（環球，亞洲，新興四國，個別國家如中國，印度等），2 投資組合（股票，外匯，債券，現金等）。基本上股市跌，基金價格會跌，股市升，基金價格未必升（要視乎基金公司的營運）。而基金過往業績可以從上列的報表中睇到。
你可以在網上列印多些基金滙報比較一下，同一類形的基金組合都有唔同的基金公司營運，表現各異，回報亦有差別。你亦可以去銀行叫佢地列印比你睇。
唔好意思，依家先答你問題。你問月供儲蓄定月供基金較好？
答︰如要一定賺，月供儲蓄，無保險成份，中資銀行零存整付較好。
如可以承擔風險，可賺可蝕，月供基金，純基金。無保險成份，無年期限制。
你另一個問題月供基金利潤都係少。
月供基金的利潤可以好高，視乎你揀邊隻基金。利潤高，風險高。你列印多幾份不同組合的基金滙報睇下，就睇到利潤的分別。
問多d，知多d。投資前要先衡量風險承擔的能力。

基金投資!

首先你一定要熟悉市場走勢,投資目標,能力
經濟永遠就係有野跌,自己有野係升
例如.大部份人都知美元會跌,有咩會升?!?!黃金,油
基金係一個投資平台,你可以向住自己目標去做
EG 地產好,買樓資金太大!地產股又唔知邊隻好
基金可以做到!

如果你怕自己儲唔到錢
你應該去開多一個戶口.你永遠唔可以係果度取錢出來用
習慣左你就會做得到
大家可以研究
MSN : [email protected]

首先你要問清楚渣打銀行個月供儲畜計劃 回報率有幾多 唔同既月供儲畜計劃 年期 利息都會唔同
(個人唔建議月供儲畜 因為呢家利率好低 回報率 可能真係得個一兩個% 不過你最好去銀行問清楚先好)

第二你要問清楚你想投資既個隻月供基金 係邊一種 因為基金都會有分唔同風險既 就算不熟基金既性質 你點都要了解佢係投資係邊一方面既e.g 債券定股票,新興市場定歐美市場

個人認為 因為你只係得廿歲仲係好後生 如果唔等錢使既不如將d 錢投資落中-高風險 既基金度 (低風險你又會覺得無肉食)
就算你對投資無認識既 睇新聞應該都睇到呢兩個月 個市係咁跌 股票同某d 基金亦開始變得低買

最後 有另一個建議 如果你有興趣既 不如學下買賣股票再月供股票 因為一來可以節省基金既行政費 二來如果你月供咁買d 龍頭股如:匯豐 因為呢家係低位 五六年之後 最低限度會升十個% 而且一年仲有兩次股息收