泰國5日4夜自由行行程

我簡單D講下行程呀!

DAY1
香港 to 曼谷
曼谷 to 芭堤雅
酒店check in (建議Hard Rock Hotel, 4星級, 裝修靚, 近海邊, 行出海邊就可以搭艇仔出島玩)
行街 (必到商場Royal Garden Plaza Pattaya , 有齊各大牌子, 如Levis, Big John, Edwin, Wacoal, 價錢係香港價1/3到)
食晚飯
睇sexy show同人妖show

DAY2
出島玩 (珊瑚島, 有齊所有水上活動, 如滑浪風帆, 滑水, 徒手潛水及水肺潛水, 坐玻璃船看水底珊瑚礁和玩拖曳傘)
回酒店洗澡
食晚飯
夜遊 (如Disco, 酒吧)

DAY3
芭堤雅海灘 (酒店附近, 曬太陽OK, 游水一般)
回酒店洗澡
行街 (Mike Mall, 一樣都係好多野行)
酒店Check out
芭堤雅 to 曼谷 (黃昏前走, 去到曼谷食晚飯)
酒店check in (建議Siam@Siam design hotel & Spa, 4星級, 情侶房, 因是玻璃門廁所, 新裝修, 位於市中心, 附近有好多大型Mall)
食晚飯 (可選擇China Town食魚翅, 仲有飯後果榴槤)

DAY4
行街 (酒店附近Mall, Siam Center, CentralWorld, 仲有香港已經消失左0既ISETAN 伊世丹)
紋身 (MBK, 都係0係酒店附近, 地下0個層有間紋身鋪, 我唔記得叫咩名, 門口賣銀器, 入面係紋身0既, 紋身0個個人係TB咁0既款嫁, 價錢平, 紋得幾靚, 張柏芝都係0係0個到紋嫁!)
食晚飯 (Silom Village, 食泰國菜+海鮮, 我唔敢話係最好, 不過0個度好有泰國風味, 仲有得睇泰國歌舞, 都幾得意)
行夜市 (Silom夜市, 條街好長, 開到好夜, 可以慢慢行)
做SPA (間酒店有SPA做, 不過Check in 0個日最好book 定, 因為做SPA多數都好full下)

DAY5
翟度翟 (星期六,日先開, 係一個大型市集, 入面可以搵到2nd hand 牛仔褲, 平價cons, nike, addi波鞋, 仲有皮褸好平, D款都幾靘, 雖然熱lala買皮褸有D那個, 不過番到香港一定買唔到呢~~)
酒店Check out
曼谷 to 香港


以上行程大至上你地想做0既都做晒, 至於食飯行街0既正確地點, 不妨買本自由行書睇睇, 仲有睇泰拳, 因為我冇睇過, 詳情唔太清楚, 不過我知道睇泰拳一定係貴0既, 以下係我搵到0既資料:


泰國拳擊
這是泰國獨一無二的武術。逢星期日、二、五及六，在倫被尼拳擊場（Lumphini Stadium）都作出商業性的比賽，另遊客亦可於每個星期一、三及拉差當能拳擊場（Ratchadamneon）參觀。此賽分八場於每天午六時開始。

以下係我去過既行情比你參考:
DAY 1 & DAY 2: 先去芭堤雅. 芭堤雅的海底漫遊係最好玩, 請不要錯過D個項目. 由曼谷去芭堤雅來回都要5個鐘頭的車程, 如果淨係去一日唔過夜的話, 一定唔夠時間玩的. 所以最好在芭堤雅住多晚. 你可以在曼谷機場找一部的士去芭堤雅的. 我上次試過同個的士司機講價, 叫佢唔好計錶, 就咁開個價比我地, 因為跳住錶入芭堤雅一定會好貴的. 初時個的士司機開價要2000泰株, 後來我地講價講到1500泰株成交. 我地係芭堤雅出番曼谷的時候, 在芭堤雅近海灘的Hard Rock Hotel附近找到一間出租車的舖頭, 可以安排車比你出番曼谷的. 1800泰株就有交易, 雖然係貴過搭的士300泰株, 但部車係全新及好乾淨的, 而且車箱內好舒適及大, 一D都唔覺迫的. 芭堤雅水上活動可以在芭堤雅沙灘找到, 記得要講下價呀!

DAY 3:
出番去曼谷後, 去酒店CHECK IN及放抵所有行李後, 可以去遊覽湄南河, 傍晚去四面佛及附近的大型購物中心SHOPPING. 如果持有旅遊證件去大型購物中心SHOPPING, 可以申請退稅的, 詳情請在付款時向收銀員查詢, 他們會好樂意教你怎樣辦理的.

DAY 4:
如果D一日你星期六OR星期日的話, 早上可以去翟道翟跳蚤市場. (翟道翟逢WEEK END才開門做生意的). 翟道翟的地方好大, 可以行足一天的. 入面佢分了好多個不同的區域, 如服裝區/家庭用品區/手工藝品區....等. 所以你去到翟道翟的時候, 可以在大門口或各主要通道睇左地圖先, 然後按自己想要買什麼or睇什麼來決定去邊個區域的先後次序. 不過去翟道翟的話, 要帶備足夠的飲用水/帽及防曬用品, 因為翟道翟在中午時份會好曬及好熱的, 所以要帶齊以上的物品以防中暑. 傍晚可以去Let's Relax做spa, 我之前幫襯過Let's Relax, 佢地既師傅的手勢及服務態度都唔錯, 而且環境舒適乾淨. 不過最好去做之前打個電話去預約左先, 因為佢有好多人去幫襯的, 如果沒有預約的話就上左去的話, 可能未必即時安排到師傅幫你做spa的. 你可以去Let's Relax的網站睇到佢既地址/電話及價目表: http://www.bloomings pa.com/index.php 做完spa後, 可以去Let's Relax附近的Baan Saranrome食晚飯. 這間飯店是以五世皇時代佈置為主題的泰國餐廳. 地址: 10/9-10 Sukhumvit Soi 39,Bangkok. Tel: 662-2602787 營業時間5:00pm-10:00pm

DAY 5:
D一日可以去泰國夢幻樂園(Dream World)玩機動遊戲及影相, 園內有好多得意別緻的3D公仔(有D有成個人咁大的)供遊人影相. 你可以去Dream World的網站睇下點樣去: http://www.dreamworl d-th.com/english/ind ex.php 如果玩完泰國夢幻樂園, 你亦都可以去Safari World理生動物世界睇動物的, 有關這個野生動物園的資料可參閱其網站: www.safariworld.com 晚上可以去唐人街行食晚飯, 果度的海鮮及魚翅都唔錯, 而且林真香的鋪位都係位於唐人街的, 食完飯可以去林真香買一些肉乾或者泰國特產做手信. 如果你買完林真香手信仲想行多一陣街, 但又拿住一袋二袋唔方便的話, 可以要求林真香提供免費送貨服務(當然是要買了一定數量及酒店位於曼谷市內才可以送貨, 數量方面: 我上次夾埋我D FRIEND都夠架啦), 佢地會將你所買的手信送到去你所住的酒店大堂後交給酒店職員保管住先. 當你回到酒店之後, 酒店職員便會交番D野比你的. 不過你大可以放心, 林真香的老板是懂得講廣東話的, 所以你只要比你既酒店名稱及房間號碼佢,佢就會識得送去酒店, 根本唔駛擔心溝通唔到的問題.
P.S.: 如果第一次去泰國的話, 最好去三聯書店買本泰國旅遊書籍帶埋過去, 因為D旅遊書有齊詳細地圖/景點+酒店介紹及前往方法.....等有用資料, 帶本書過去就無一失.