「斑馬知識+挑戰 」:中國被迫與列強簽訂的條約中，那條最為苛刻？

我覺得辛丑和約最苛刻

1. 賠款最多, 4億5千萬兩, 連利息9億幾, 分39年賠, 結果係賠到民國都未賠完, 不過後來"債務重組"(梁啟超任民國財政總長時好同列強傾過, 令列強答允暫緩每年索取的賠償, 詳情已經唔太記得) 同所謂以庚子賠款為中國留美學生教育基金(唔記得幾時開始同結束), 所以最終未必係賠足

2. 以關稅, 鹽稅等為抵押, 本來已經無咩關稅自主權, 至此更進一步主權淪喪, 經濟命脈自然進一步俾人控制, 本來關稅, 鹽稅應該可以收到唔少錢

3. 使館區內各國可自行駐軍, 華人不可居住, 儼如國中之國,

4. 拆大沽炮台, 京津一帶炮台, 而列強可駐軍, 國防洞開,
(如果話列強駐軍令國防洞開依條係好harsh, 咁美軍進駐伊拉克係唔係又好harsh呢 ?)

我覺得辛丑和約呢, 列強不單"搵著數", 而且係以非常不尊重的態度對待中國

不過我覺得影響最深的是馬關條約
因為令東亞地區形勢大變, 壯大日本而削弱中國, 此消彼長, 一直影響到民國以後日本侵華的發展
而且, 馬關條約本有割讓遼東之例, 引發三國迫日還遼, 再引發日俄戰爭....
(當然日俄戰爭仲有好多原因)

我都認為系辛丑合約～、～賠甘多錢

我認為最苛刻都係馬關條約
先睇睇馬關條約既內容

大清國從朝鮮半島撤軍並承認朝鮮的「自主獨立」；大清國不再是朝鮮之宗主國 ；
大清國將臺灣島及所有附屬各島嶼、澎湖列島和遼東半島[1]給予日本；
大清國賠償日本軍費2億兩白銀（二萬萬兩）；
大清國開放沙市、重慶、蘇州、杭州為商埠；
允許日本人在大清國通商口岸設立領事館和工廠及輸入各種機器；
大清國給予日本和英、美等國一樣的最惠國待遇；
大清國不得逮捕為日本軍隊服務的人員；
臺灣澎湖地方人民，兩年之內任便變賣產業搬出界外。限滿未遷者，酌宜視為日本居民；
條約批准後兩個月內，兩國派員赴臺辦理移交手續。


以上幾乎全部都係強搶中國資源土地, 得寸進尺既條文
而且大大加強日本侵華既野心

再睇番其他不平等條約
如南京條約同辛丑和約
雖然都係有搶中國資源土地
但都係想要小便宜
並無入侵野心