✔ 最佳答案
首先講復星（６５６），其實我自己唔係太睇好佢，早前仲有１０幾蛟時，我有朋友同我輸賭，佢話佢隻復星（６５６）會跑嬴我隻招商中國基金（１３３），話輸賭一餐飯咁話！
賽果最後是怎樣？
在升市中，佢升得冇招商中國基金（１３３）咁勁，在跌市中，佢跌得仲勁！因此，如果你看好Ａ股，你不如買招商中國基金（１３３）好過！好明顯，無論遇上快步速，折或慢步速，都是１３３跑贏６５６！
點解招商中國基金（１３３）好過復星（６５６）？其實好簡單，又以跑馬來比喻！
招商中國基金（１３３）這個馬房，好多馬其實都係未跑過，很多馬的評分，都是虛分，因為那些馬〔資產〕都未出賽過〔上市〕！唯一出賽過的（上左市），只有〔招商銀行〕及〔興業銀行〕兩匹馬，在Ａ股馬場中，兩隻馬都是值頂班及精英班貨色！
相反，復星（６５６）這個馬房，好多馬都跑盡，評分飽和，即已上市兼已在高ＰＥ的估值下計算入復星（６５６）的資產中！
從已出賽的馬看，質素肯定冇招商中國基金（１３３）那個馬房那手馬咁正！
所以你問今次邊個係冠軍馬房？唔駛問啦！一個大把秘密武器〔隱形資產〕，一個鋒芒畢露〔已上市〕，留意個〔畢〕字，即是〔完畢〕過〔畢〕！
從賠率上，一隻是熱度過晒龍的熱門，點解咁熱？原因好多報紙都說佢是上海和黃，仲有〔大師傅〕壓陣！加上當時有很多〔評馬專家〕吹虛佢手馬有幾威．．．再加上講埋佢個練馬師郭生的發跡傳奇，講到郭生成為偶像級練馬師，真係出隻牛去跑都成熱門！真係勁過〔韋達〕！所以佢自此就成為普羅馬迷的公眾熱門了！
然而，招商中國基金（１３３）冇乜人識，兩隻馬王係手，竟然仲好分，有飛得來又唔熱！原因，冇乜人識也！前幾日，係無線的〔賽馬直擊〕，請來某評馬人沈先生（註：不是沈振盈）竟然說招商中國基金（１３３）的ＮＡＶ好難計，因為好多資產未上市！所以招商中國基金（１３３）的ＮＡＶ出現高折讓並不是代表很抵買！
這句說話問題出現在那裡呢？
大家認為一間公司上左市的市場價值大，抑或已經上市的公司市場價值大？
好明顯，未上市的當然是冇市場價值，然而從１３３的ＮＡＶ中，那些資產的價值竟然好多仲是０，因此實際折讓肯定不止此數！
這就是上海商業銀行特約的〔賽馬直擊〕評馬專家〔沈生〕說的！
由此可見，識貨的人少，唔識的人多，自然賠率有得分！
從走勢看，復星（６５６）最近已回升，但仍未確認轉勢，因為股價仍然在５０天平均線下形成一條長達半年的下降軌！因此，要確認轉勢，５０天線是關鍵所在！
圖片參考：
http://charts.aastocks.com/servlet/Charts?scheme=1&com=100&chartwidth=620&chartheight=630&stockid=000656.HK&period=49&type=1&fontsize=12&vol=1&Indicator=1&indpara1=10&indpara2=20&indpara3=50&indpara4=100&indpara5=150&subChart1=2&ref1para1=14&ref1para2=0&ref1para3=0&subChart2=3&ref2para1=5&ref2para2=26&ref2para3=9&subChart3=12&ref3para1=0&ref3para2=0&ref3para3=0&subChart4=0&ref4para1=0&ref4para2=0&ref4para3=0&subChart5=0&ref5para1=0&ref5para2=0&ref5para3=0&15MinDelay=T&indicator2=0&ind2para1=0&ind2para2=0&ind2para3=0
第二者是講合景（１８１３），佢是廣州五虎之一，但從我搜集得來的資料，及按鑼輯推斷，大陸的樓價應該未跌完！
原因：
第一個是息口，現時大陸供樓的利息其實一些也不平，足足成７厘幾，而且尚有加息的可能！
第二個是大陸的宏調措施，矛頭直指樓市而來，先前大陸的樓價上升，好大程度是由於地產發展商囤積土地，控制房屋供應，製造供不應求的〔假象〕，從而燃點起市民的炒風！做成火上加油的問題！
由於高樓價是影響民生，溫總一定追住佢來咬，直至樓價是市民合理地能負擔的價位！
那麼幾時才算市民合理地能負擔的價位呢？
大家看，大陸人現時的人工，以同香港的同類工種相比，約是七分之一，而深圳樓高峰時，樓價仲貴過天水圍，大家應該識計啦！即是話大陸人人工要加起碼５倍，先至等於現時香港人負擔一層樓宇的能力！如果人工唔加或樓價唔跌，按道理很少大陸人是有資格去買樓！要注意的是，大陸供樓的息是很貴啊！
現時大陸的政策是針對地產商囤積土地，如土地不發展，就收土地閒置稅等，大大加重他們囤積土地的成本．因此，很多原先囤積土地的大發展商，必定會加快發展的步伐，從而在短時間上，會出現大量的樓宇供應！
當樓宇供應突然大量增加，樓價必定下跌，地產商為求促銷吐現，必出〔震撼價〕！原先炒樓的，一手樓價要跌，二手樓的價肯定糟秧，於是加入斬倉行列！
原先想買樓的，見樓價要跌，早買可能要損手，不如先觀望吧！於是樓市的承接力突然１８０度地轉變，從地產經紀的生意很多都是吊鹽水，食穀種或扎炮，已知個個想買樓的，都先觀望！
有錢的，唔肯買住，想沽貨的就正正等錢駛，好明顯係買家市場，所以將會發生連鎖的劈價潮！
合景（１８１３）最近在廣州推樓，都要劈價２成，試問你，成本可以減番２成嗎？好明顯，合景（１８１３）今年條數一定冇上一年咁正，所以從基本因素看，我暫時不看好內房股！
合景廣州盤削價20％促銷
合景（１８１３）現價ＰＥ看似很低，但這是上年的事，買股要看前景的！
由於編幅關係，只可以答你２隻股票了，其他的或許下一條問題吧！
YOKI WONG
圖片參考：
http://tw.yimg.com/i/tw/ugc/rte/smiley_1.gif
