我今年25歲,係女仔,大概4歲時右膝就有類風濕關節炎,期間有試過食藥,物理治療同做內窺鏡抽返d Fluid出黎,中間好返過,去到16歲左右又返發,照MRI,醫生話前十字韌帶斷了.但由於我係因為右膝發炎而整斷韌帶,所以唔同運動受傷的Case,醫生話可以唔補返住都OK
不過,最近我發覺行路時,右膝怪怪的,感覺好似有d唔同,esp做完運動Or運動中途我便覺得右腳無晒力,但我亦勉強完成運動.其實我唔係覺得痛,只係感覺走路時唔舒服,無乜力,連帶腳跟都有點唔舒服,而且還好像感覺長短腳的問題加深了小許(以前2隻腳大概相差0.5-1cm)
所以,我懷疑自己又有d韌帶斷了,非常擔心同唔開心...其實我一直是在公立醫院應診的,過2個星期終於有機會覆診
其實有幾個問題:
1)如果我而家咁既情況,我想做手術去更治問題,相信要先照MRI再睇清楚情況,但,在公立醫院是否通常都要等1年?
2)我好唔好呢幾日出去私家照左MRI先,再帶去覆診公立醫院那邊?咁樣可以快點安排手術嘛?因為我唔係運動個隻,又未至於行都行唔到,但係我又真係唔可以正常人咁好靈活,行耐少少就會唔舒服
3) 如果真係要做修補韌帶手段,在私家醫院跟公立的手勢有分別嘛?我係女仔,我好擔心手術後會留下很長很深的疤.
4) 手術後,要多少天才能走路(不用其他工具幫助),因為我唔想請太耐假.....因為呢份係新工,我真的不好意思請咁耐假
5) 我聽人講,話做完手術,會好耐先好得返,而且會痛好耐,行路都會唔舒服.如果係咁,我應唔應該做呢個手術呢?我怕手術後2年內,情況會比我而家更壞....
6) 手術後2年,走路既能力可以好似正常人咁樣嘛?我好想做運動呀
Sorry咁長篇大論...不過真係因為呢個問題令我呢排成日都好唔開心...我想盡快想一個辦法....