賣樓唔齊契, 補契連誓章問題

我係賣方, 已收取大訂, 只差尾數, 但係成交前三日, 對方律師先通知我方律師, D契唔整 (十幾廿年前既契), 要求補回, 我跟我律師商議後, 都決定補返"certified copy", 但要連同一份誓章, 律師樓講因為d契唔係我整唔見, 我做的誓章只可以講返我授權律師行由銀行拎d契出黎, 當時已經冇左d契 (我律師問返我買樓時既律師, 佢講佢幫我處理個時都唔見架啦), 我律師行做左個draft send俾對方律師, 對方律師覆返, 因為唔係我唔見, 唔應該係我做宣誓, 要搵返開始唔見o個個源頭做宣誓 (即係由上手律師開始問, 一直再問返上手再上手既律師, 直至問到上手有(契), 而今手冇(契)先可以停, 叫返第一個發覺唔見契既"有關人事"或律師宣誓 <--- 我律師係咁同我講及以我理解係咁)

因呢件事我詢問多一位律師及在律師行做開樓宇買賣既朋友意見, 佢地都覺得對方律師拾得"非常"之正, 一定要齊哂所有文件先成交, 佢地都建議我取消呢宗成交算啦

問題一: 佢話我做既誓章冇用, 一定要搵返上文指既"有關人事"或律師做, 如果"有關人事"或律師已故或失蹤, 咁我層樓係唔係以後唔駛賣??

問題二: 我律師話, 宜家法律上有d灰色地帶, 十幾廿年前既契唔見左係唔係一定要補返, 都冇明確講明, 有d例子要, 有d例子唔要, 咁即係賣樓個時都係睇對方律師心情, 如果遇返好似今次個對方律師既做法, 即係又係賣唔出??

問題三: 成交取消, 我要俾返訂對方, 但係律師費"律師費"及"地產佣金" 係唔係都要俾足??

臨時買賣合約當中條款
(a) 無論在任何情況下若賣方或買方任何一方未能依本合約之條款賣出或買入該樓宇則毀約之一方須即時付與經紀港幣 $xxxx (賣方+買方佣金) 作為賠償經紀之損失, 毀約之一方並須負責繳付印花費 (如有的話)

(b)簽署本合約後如買賣雙方在未得經紀同意下協議取消本合約則買賣雙方將同時及分別成為本合約之毀約者並須各自負責付與經紀應得之上述佣金

賣樓以為賺到d錢開開心心, 點知搞到咁~~~ 唉!!!! >.<~~