養狗仔既問題....''

首先, 你有冇考慮過你想養咩狗? 有冇諗過你要負責佢好多其他野, 除左散步外, 你父母會唔會一起照顧佢? 最起碼當佢初返你屋企, 通常都未有習慣去一個定點大小便, 當你返左學, 你父母會唔會願意幫你收拾大小便呢? 當你返左學之後, 係唔係又只放佢入籠, 要等你返學後先可以出籠生活呢? 呢d 你都要同你父母商量, 例如當你不在家, 佢地要代為照顧小狗, 如果佢地願意, 其他問題都唔難解決

同狗散步最好就係兩次, 不過如果一次都冇問題, 香港都唔係好多人可以一日放兩次狗, 你可以每日 正確地 同佢散步一次, 每次30-45分鐘已經係好足夠

領養狗幾多錢呢個問題要視乎你從什麼途徑領養, 可以去一d 組織領養, 又可以係網上收養一d 因為私人理由而棄養既狗, 致於幾多錢, 你可以去佢地既網站睇下, 我比兩個比較大型既組織你參考, 一切費用或要注意既事項都有列出
http://www.saa.org.hk/public/main
http://www.spca.org.hk/chi/home.asp

致於網上收養棄養既狗, 一般都唔收你錢, 不過你都要準備一下額外既金錢以備不時之需, 例如打預防針, 絕育手術等

定期要花的錢還有買狗糧啦, 睇你咩狗食幾多先知幾多錢, 小型狗一包$60-$90都有, 可以食一個月左右, 買心絲蟲藥例如Heartguard $200左右一盒六粒, 每月食一粒, 殺蝨藥例如Frontline $220左右一盒三支, 每月滴一支, 呢d 已經係再基本正確養狗要既野, 如果要花錢, 狗狗身上可以用好多錢

如果有一位有經驗既朋友你父母都認識既, 等你父母知道即使狗狗有咩事佢可以比意見你地, 咁我諗佢會放心d

不過最大前提都係考慮左我第一段既意見先再諗其他

2008-03-28 23:20:43 補充：
呢個問題冇一定答案, 不過如果地方許可, 可以用圍欄, 裡面放一間屋仔加一個狗廁所, 再比d 玩具佢玩, 咁你要照顧既範圍就會細好多

我有經驗所以想俾D意見你,
我以前都係咁, 一直想養但父母都唔俾...
到而家終於可以養, 親身感受到0個種責任~

聽你咁講你父母唔係好想養...
其實一隻狗既教育等係需要整個屋企去協調同合作架,
如果佢地唔願意既話...我會叫你唔好養住囉

因為養狗開支大之餘時間同心機都係必須架!!!!!
如果你屋企人唔願意既話....你都係唔好住啦
唔好害左隻狗

首先,給你的意見是待你長大後,自己搵到$$先養狗,不是讓你掃興.
養狗開支是不少的,而且隻狗病左你有責任帶它向獸醫求診.
還有香港很多多層式住宅大廈是不可以養狗的(所有公屋及居屋一定唔養得).

我今年讀小五

我Ga情況同你一樣 我都係好想養狗仔

我呀爸比,但係我呀媽都有考慮過,

我回答番你D問題:

問:我可吾可以放學番黎同隻狗散一次, 晚上食完飯再同佢去一次呀?

答:可以。但最好早上去,因為早上狗仔吃完野,就要去廁所,如果你同佢去散步咁就好D。

問:領養一隻狗最平可以幾多錢?

答:我比尼個網頁你,

http://www.hkpet.net/big5/adopt/index.asp

問:怎樣可以令父母放心比我養狗?

答:咁你就要做到你父母認為你有能力可以照顧到隻狗仔。

我同你一樣 , 我都想養隻狗狗架 .. 覺得佢地又可愛又可以做我的一生朋友 .. 其實你媽媽問你呢 D 問題多數佢都有考慮過你養狗既問題啦 , 你要番學 , 所以你要比任何人更加愛你的狗狗 , 你可以放學番黎同隻狗散一次, 晚上食完飯再同佢去一次 , 但係要記得呢每日都要幫佢梳毛 , 呢樣係最可以加深左你地既友情架 =] 領養一隻狗狗仲好 , 因為佢會珍惜你地 , 但你要知道領養一隻狗狗唔易架 * 努力呀 x] 大約 $ 150 .. 你父母見到你同隻狗一齊既開心樣一定會好放心架 , 你要比佢地知道你係好愛狗狗的 , 最好你養狗狗後訓練到佢乖乖地 , 哄下家人啦 !

你要加油呀 ! =]

1問題:你可以
2問題200起
3問題買隻温油的狗仔