2000年高考中史DBQ!!!!! 急

點解而家啲高考中史問題咁深架？舊時我考嗰陣啲問題好直接架。但答中史問題最緊要通，即係你要熟悉整個朝代的歷史資料，然後順手拈來，由政治、經濟、社會民生、文化等等各方面，去睇佢哋之間的關係，只要有邏輯根據，都可以攞嚟發揮。呢個係我經驗之談。(我當年係攞A1架)
廢話講完，就講番呢個問題，但因為我太多年冇掂歷史，所以你可能要自己去搵多啲資料。
好明顯呢條問題係想問漢朝的土地私有制對西漢後期經濟民生的影響。問題第一部份荀悅的論述揭露了漢朝那些危機，你可以就土地私有制的弊端大加發揮已大致可答到這問題，至於有什麼弊端就要你自己去找找(因為我已經唔記得啦，太耐之前嘅點記得)，但我諗你一定要指出董仲舒講過的「富者田連阡陌，貧者無立錐之地」的情況，係經濟民生方面所引致的極端貧富懸殊的現象，再加上漢初文景之世，崇尚道家的與民休息、無為而治，更令到富有者積極去囤積財富，土地過份集中在有錢人手上，窮人生活更加艱苦，所以到王莾篡漢後推行改革如王田制等等，由於積重難返，無形中令到改革失敗。
問題第二部份，問晁錯的建議有否解決問題，從歷史的結果來看是沒有的，好明顯呢個問題是問漢初重農抑商政策的影響，同樣你只要多找一點這方面的資料就可應付這部份的的問題。這個建議由於當時土地集中在富人手裏而無法令農民受益，同時更引出了賣官鬻爵令有錢的商人藉此進身仕途，由此而提高了商人的身份，亦間接造成日後門閥的興起。
多找有關資料即可回答以上問題。