50㎡即係等於幾多尺??

你屋企個廳大約200尺，一般油２層用４－５公升乳膠漆就足夠．另想一提油漆是用施工面積計算，不是用平面面積計算的．
要視乎你用什麼乳膠漆，如用多樂士家麗安環保漆就不用稀釋，如用多樂士金裝全效牆面漆或多樂士多功能護牆漆就以1份水稀釋5-10份漆油 (10-20%)，而理論覆蓋度400 平方尺/加侖．
如用日本漆立邦淨味全效內牆乳膠漆或立邦第二代超級五合一內牆乳膠漆就以１份漆油加入0-30%清水，而理論覆蓋值（平方米／升／層）：１４－１６（平方米／升／層）．
如用巴馬士的就以１份漆油加入30%清水，而理論覆蓋度400 平方尺/加侖．
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.
如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!


2008-03-28 10:01:35 補充：
你都識得講最近才係香港有得買啦, 佢又無賣廣告咁點會咁快街知巷聞呀, 再者現時全港都唔係好多鋪頭有得賣, 我相信你都要比d時間去搵先可以買到.
我介紹的油漆是現時香港常用的油漆, 亦是香港最新的環保漆.
如你有更多 AURO天然油漆的資料, 希望可以send 給我參考.
謝

50m2約538呎, 大約2L油漆, (最少可以買一罐)

50㎡即係等於544.5平方英呎
200尺左右用2L(細罐莊)就夠