nds game 問題..唔知都入黎睇下幫唔幫到小妹丫

雖然係日文, 但係都有好多漢字, 我都玩左一陣都大約識點玩喇, 但, 你無講你唔識邊度, 好難教你, 咁你開始玩時就有一同二兩個記鏝位俾你, 你先選記錄一開始玩, 跟住有三個選擇, 第一個係故事(即係做牙醫), 第三個係練習, 第三個係去小學幫小學生睇牙(都係練習), 建議你開始可以去練習度試玩晒佢整牙嘅技術先, 因為做錯都無事, 只係練習啫,

整牙入面就有五個圖, 第一個圖好似支筆嘅係用黎檢查牙齒用, 包括點選牙齒, 清除牙石.
第二個圖(點落去有一個黃色或一個白色), 用黎整走爛牙表面, 白色就較快但容易整痛人客, 黃色清理較慢但係無咁痛.
另一個圖好似支嘖咀咁嘅係填補牙用嘅, 你清理完隻爛牙之後將黑色物填補落去, 隻手要定先放到, 唔定會彈返出黎架.
另外有一種補牙物料係一舊白色補落去嘅, 原理都係一樣.
另一種係拔牙, 將個鉗放落隻爛牙度, 跟住慢慢左右郁隻鉗, 唔好太大力, 唔係個客人會好痛架.
另一種係用羅絲模補隻新牙入去, 先將模轉入個牙洞, 再選合適假牙放入牙模(有普通, 銀同金)
基本上以上住部做之前都要先打麻醉針, 除左清除牙石之外.另外一定要問診, 佢地會講咩唔舒服, 要對証下藥. 慢慢試習下, 好好玩

個故事就好似係要賺夠三仟萬, 另外仲要投資, 包括本身牙醫店,宣傳本身店, 請人, 當地社會投資等, 希望幫到你玩喇. 我都仲努力中, 有咩可以再大家一齊發掘出黎喇.