我唔想離婚收場,我應該點做？

你搵返個問題嘅根先！
你係因為湊小朋友而有壓力嗎？我同你個背境極之相似，不過我個仔都五歲咯，就算佢細個個時，我地兩公婆都會想辦法兩個人過二人世界，都算係keep住個感覺囉。
我只係有一點同你唔同，就係我以家係英國，我老公係香港，但我地兩個仍然係以開心放鬆嘅態度去面對將來。
我地一般都會用開心積極嘅態度聊天，因為如果唔係嘅話，關係係好難去圍系。你試諗下，你有一個朋友，次次見親你都係唔開心，你都唔想同佢傾計啦，你話係咪先。
現階段，你要放鬆，悶嘅話就搵人傾計、行街、睇戲、食飯、上網有好多嘢做、我會成日睇輕鬆搞笑嘅漫畫，好似我睇完蠟筆小新咁，有d地方好好笑，我會笑住咁話返俾我老公聽，雖然佢聽完都唔明笑咁乜，但係佢都會好開心。開唔開心都會感染同影響身邊嘅人，小朋友都會感覺到架。
有一次我個仔問我同我老公點解成日要攬住，你地唔覺得好煩嘅咩？跟住我問返個仔轉頭，我話唔通我地嗌交好咩？個仔諗咗一陣，之後話咁你地攬住唔好放手啦，我無眼睇。跟住我地三個都笑作一團。
我講咁多係想話你知，開心係由個心發出，唔係強迫，唔好再逼自己開心，望多d身邊嘅事物，唔好諗太多！

或者佢放工回來時
妳可同佢講下BB今日有D咩趣事
大家就會開心D
因為BB每日都在變動
食野時又有好多表情
又可以同BB行下公園坐下玩下
自然心情都會好一D
BB係妳們帶來這個世界
BB都會帶給妳們一家快樂的

妳先去看醫生, 先確定自己是不是患了產後憂鬱症, 如果真的是因為這個問題, 要按照依生吩咐去做

我看妳情況, 有六成似, 但是還是看醫生較準確, 不能逃避, 因為這不處理會釀成更大問題

我覺得你應該樂觀d…唔好亂諗野…保持心情開朗d嘛…
或者兩公婆傾下d開心d既野…唔好成日提埋d唔開心既野…
我未結婚…所以未有經驗答你呢d問題…所以俾d意見你算了…
你試下諗下你老公見到d乜或者遇到d乜會好開心丫…就用黎氹下佢開心丫…
例如講下笑話…講下d肉麻當有趣既說話之類…都可以增進兩公婆感情架…

祝你地幸福快樂…