天主教徒去道教徒的喪禮

幾年前我都係咁. 做人 [參抱]係咁架啦. 個陣老爺大行, 點都要做足功課比奶奶同d親戚睇. 冇野既, 老爺係我好尊敬既長輩, 為長輩盡點心係應該既.
孝服呢, 都係跟大隊著白色, 否則好似得我地一家著黑唔係幾好睇, 而且, 黑白色孝都係東西方習俗不同, 冇咩宗教原因. 燒香都係類似 d 西人點蠟燭, 中國人送花圈, 西人送花束, 中國人跪, 西人躹躬, 真係冇咩所謂.
不過天主教認為死人係唔再需要食物, 衣著, 奢侈品. 所以燒金銀衣紙係幫唔到死人既. 不過我冇反對親戚佢地又靚屋又名車又妹仔[紙紮]咁燒, 咁係為左d仲在生既人, 如果好似為死人做左d野, 令佢地好過d, 我唔阻止, 要夾錢我都乖乖地夾.
而唸喃嘸, 拜佛個d場合我地就會同d細路避席, 通常唔會好直咁話我地唔拜神, 佢地其實都明白, 唔會勉強.

無咩既. 隨心而為囉! 好睇你個心點諗, 如果你覺得裝香只是代表你尊敬你個奶奶既話或令到你家人心安既話.. 裝囉! 記得以前問過一個神父, 佢講過, 如果某一些既宗教儀式, (當然唔係講涉及什麼養鬼仔呀... 念佛經呀...)如果你唔做, 你的家人會唔舒服, 唔鐘意你, 咁你咪當做家務咁做... 做之前, 你要係心裡面念聖母經同天主經, 求天主明白!當然, 如果可以的話, 就自己念聖母經同天主經代替

可以去,但虔誠天主教徒係唔會裝香化寶,不過有些因自己家人盡孝心會做,不過有些則很虔誠不會做(就算自己家人都係這樣話我的朋友便是這樣不肯裝香!)