感光元件 問題

1.CCD呎吋當然係越大越好,不過先決條件係像素相同.其實真正感光能力係要睇每一粒像素有幾大.如果CCD只係大咗小小但像素就多咗好多,咁最終感光能力係反而差咗的.
不過單係咁都未必肯定到邊塊CCD好,因為仲有開口率一個因素,原來一粒像素並不是所有面積都用來感光的,電子線路必要佔有一部份面積,電子線路能夠做得越細,感光面積就可以越大.現在的相機像素多以前好多,但畫質不見有大幅度下降,據說就是這個原因,當然靠軟件抺雜訊亦係另一個原因.而家啲廠商都好精打細算,CCD有咁細得咁細,只會因為像素太多頂唔順先會加大CCD.所以搵大CCD又小像素既相機唔實際,只要小心唔好買咗啲CCD又細,又多像素既就得喇.要CCD大還是購買數碼單反吧,要大咁多先有效果的.
2.Sony的HAD CCD據說有同一般CCD唔同既透鏡設計,有比較強既集光能力.
http://www.mintron.com/HTM/Q&A/Htm/Super%20HAD%20CCD%20camera.htm
不過用落又唔覺佢同其他牌子有好大分別,相信係各大廠商都有自己既改良設計,己經冇人會用最古老設計.廣告好多時都係用啲咁手法,搵埋晒啲過時產品同自己新產品比較,懶係勁咁.