✔ 最佳答案
根據上訴庭在98年5月26日所訂下對氯胺酮Ketamine (K仔)的判刑指引, 販運25克以下的K仔判刑由法官決定. 25克以上至400克以下判刑是2-4年監禁. 400克以上至800克以下判刑是4-8年監禁. 800克以上判刑是8年以上監禁.
而根據上訴庭訂下對大蔴Canabis的判刑指引, 販運400克以下的大蔴可以藏毒為交替控罪, 判刑由法官決定. 9000克以上判刑是4年以上的監禁.
你販運14克K仔同6克大蔴, 自動波當係藏毒. 唔使要 "請阿公狀打掉條販賣轉藏有".
藏毒最高判刑是2年監禁. 法例係無最低刑罰嘅. 要睇個官點判.
你衰小量K仔同大麻, 算係藏毒. 本來普通人就會感化 / 罪款. 但你有同類案底, 咁就顯示你死性唔改. 本來會要坐監, 法例規定除非即場判監9個月或以上,否則對藏毒重犯者,需先索閱戒毒所報告. 但咁小量又唔值判你入册. 所以我估計今次會先拋你入荔枝角14日等攞報告, 然後會判一個高額罰款.
老友, "阿公狀" 係指皇家狀(法援或註庭免費當值律師) 定係你 "公司" / "阿公" 幫你請嘅私人律師呀?
你有同類案底, 而家再犯, 顯示你死性唔改. 所以你根本無求情理由. 請唔請律師無分别. 認罪罰輕小小. 你呢單應係court仔 (裁判法院)案, 你可請當值律師 (免費)求情, 聊勝於無.