請各位大佬急求救我的魚,急!急救

用掛濾係唔會唔夠力。

魚有白點病唔關濾水器事,不過就咁看都已經看出你有一個問題,就係應該換全缸既三份之一水,而唔係四份之三咁多,咁整法d魚好易死。

你養左幾耐魚呀?養完又死,養完又死。每一種魚養既方法都有d唔同,用錯好易死,我建議你都係養紅劍好d,因為易養。

要養好條魚,日常生活要打理好:

1.一日餵一次糧

2.一星期換全缸水既三份之一,最好用隔夜水(即將d水放一晚到天光,聽朝換水)換隔夜水d魚會無咁易死。

3.一個月洗一次濾水器

4.四至六個月洗一次缸。

5.冬天水溫低個二十五度既話就放暖管,不過記得要買個溫度計係個缸度量度水溫,因為水裡的溫度唔同水外溫度。

最後提提,買紅劍的時候要選擇一些無爛尾,無白點,活潑的紅劍呀!

正如你咁講不買包裝魚,要買自己選擇的魚,咁就最好。我買孔雀魚都係一條條咁買,雖然貴係貴d,但係無咁易死都值得。

2008-03-27 15:25:39 補充：
你買個d藥係唔係唔夠藥力呀?買「魚救」啦!我認為都幾好用架。記得依足說明用呀!

2008-03-27 15:27:49 補充：
總有,我唔係大佬呀,女仔離架!

2008-03-30 11:27:15 補充：
總有,養紅劍,最好係放沙石底,不要放泥底!
還有,濾水器一定要有生物環,或者生物球,而生物環會便宜一些。因為魚的排泄物會變成毒素,而生物球/生物環便可以分解他們,但係洗生物球/生物環的時候記得要係用你換水換出來的魚水來洗。

白點病是十分常見,當見魚仔身上出現白點,可以加粗鹽,將水溫升高幾度,這個方法十分有效,每次換水三份一到,最好將水養起碼三天,待氯氣揮發完後再換會較好,唔好用咁多化學品,對魚仔會好d,你可以試養紅劍.米奇這一類比較粗生嘅魚呀.你掛瀘入面放生物環,買隻好d嘅,養菌會快好多架.希望幫到你呀!!

我就咁既,
之前買左袋米奇,
全部一落缸就起白點
所以我先係個大缸落藥
但見到無咩用
有d仲死埋
所以我將部分轉左去膠箱再落藥
點知有d好返~
所以其實有病既話,
我提議你將佢地隔離去第二個缸度會比較好~
同埋我落左藥後,
我洗缸果冒亦唔會全部魚缸水都唔要,
只係唔要缸底既少量
其餘都盡量留低~
同埋盡量每半個月度換一次水(1/3至1/4水)

魚生白點可能濾水器吸唔晒全部既排泄物,
令水污糟左
亦都可能係你魚缸水既水質有問題
你既濾棉有冇換過?洗過?
污糟到洗唔到既時候要換啦
你養左幾多條魚呢?
亦都可能多魚,所以唔夠氧氣~

我全部都係混養
死左魚無耐都去買新魚返黎嫁啦
所以有魚死左再買新魚係無問題~

以上只係我既做法同意見
希望幫到你~

2008-03-27 17:53:15 補充：
你個缸係套缸定散買?
濾水器真係有機會唔夠力抽污糟野~
咁d污糟野留係,水質就跌
仲有你個24"
你落藥既份量會唔會少左,
所以藥力冇咁勁呢?

易養既魚咪金魚囉~
你養過既米奇都易養
不過孔雀就難易d

藥方面,
我買左支叫魚快治既藍藥水
一間叫威龍既公司製造~
我都試過係大缸放藥
不過我諗太大,
d藥力低
係個膠箱入面細d
落藥就醫得咁好
同埋分隔左d魚
唔會傳染其他魚~