去邊度旅行好玩???要(自由行)

首選泰國。早前去過曼谷，住喜來登，房間有升級有優惠，及免1天房租優惠，你去旅行社問下個package 仲有冇得做。泰國講簡單英語就得，深的佢地都唔識講，我地都有去唐人街食野，講廣東話，冇問題。最重要是帶酒店咭，有泰文地址，搭的士好方便。你仲可以起酒店叫佢地幫你叫的士，佢地會話埋比你聽大約幾多錢，同埋幫你寫好張咭比你回程時show比的士司機睇。
我住個間對開就是河，酒店有船過對面岸（免費的），對岸有碼頭，有車站，去邊都好方便。又可以搭其他酒店的般（免費的）去其他酒店食野。沿河有景點，坐遊覽船好方便，你亦可選搭當地人坐的船，平好多，都係同一個碼頭上落船。另外亦有類似香港的MTR，架空的，都好方便。有好多shopping centre，購物都好。
如果你都係擔心言語問題，可揀台灣，但感覺就真係冇咁舒服同優悠。
至於係唔係好玩，真係好個人的，如果你認為陽光海灘先好玩，曼谷就唔合你了。但可以揀浮羅交怡。如有須要，再寫問題。

可以考慮以下的地點：

1) 黃山
2) 黑龍江.....勁正, 是新的旅遊點
3)山東青島也是一個不錯的選擇
4)杭州+上海---非常好的旅遊城市, 居民熱心友善
5) 北京
如果想感受唔同地區的風土人情, 可考慮

1)越南---法式建築
2)柬埔寨
3)台灣-東部....可以浸溫泉
4)新加坡--有得吃又有得玩,而且是講廣東話加少量的英文就ok