現時有什麼好入門級單反相機介紹?

$6000預算的選擇可以有Sony A350, Nikon D60或者Canon 400D套裝
我比較建議Sony A350,佢己經有機身防震,以後配任何鏡頭都附送防震功能,而且有Quick live view,比其他機既Live view對焦快.又有齊9點對焦.係閃燈同步比較慢,只有1/160秒.但係Sony冇出50mm f1.8平鏡頭,要玩淺景深就要買二千幾蚊既50mm f1.4
Nikon D60支跟機鏡都有防震功能,但佢冇機身防震,之後要防震的話就要買防震鏡頭,價錢會普通鏡頭較貴.而且佢只得3個對焦點,影靜態題材冇乜影響,影動態嘢就會局限咗構圖,仲有佢冇機身摩打,要配有鏡身摩打的鏡頭先有自動對焦,一啲平鏡例如做淺景深好好用既50mm f1.8就冇自對焦用喇.而且用唔到直度手柄.不過佢就有連好多高階機都冇既1/500秒.這個數值最大影響係在大太陽下的閃光燈應用.由於環境好光,快門唔可以快的話,光圈就要縮細.如果要影淺景深或者閃燈火力唔夠大就會好麻煩.
400D套裝鏡冇防震,所以唔係好建議,加原廠18-55mm IS防震鏡就會超出預算.但係如果可以加小小預算就可以買就快出的450D,大約$6880的套裝連埋防震鏡頭.有機身摩打.9點對焦.又有50mm f1.8用來影淺景深.但Canon一樣係靠鏡身防震,再加防震鏡頭就要用較多錢.
以下網頁可以睇到相機規格
http://www.dcfever.com/cameras/database.php
買相機都係唔好貪平小小,去啲穏陣既老字號例如永成,萬成等比較好.