「斑馬知識+挑戰 」為什麼有智慧生物，會在陸地上進化成功，而不會出現在海洋中？

文明出現既地點, 唔係富饒既熱帶海岸, 而係每年氾濫一次既沖積平原, 或者沙漠綠洲呢d 有d困難, 但又唔係絕境既地方. 一定有某d原因.
太容易得到食物既熱帶地區, 好懶惰既人都可以食得飽, 就唔會有動力去發展新既求生方式, 不如訓多一陣好過啦!
而係一年氾濫一次既土地上, 就有必要發展數學, 測量學, 法制... 因為, 氾濫過後, 點認得返邊個人擁有邊塊田? 總唔可以每年爭執一次掛. 就要想辦法解決, 就會衍生出文明. 相信中國文明發源於黃河, 埃及文明發源於尼羅河, 中東文明發源於兩河地區, 印度文明發源於恆河等, 同佢地既氾濫不無關係.
以上講左咁多, 回應下個主題: 智慧, 係咪應該係舒適既環境出現, 定係艱難既環境出現呢?
一個要千方百計掙扎求存既種族, 只有聰明既個體才有機會生存繁殖, 笨拙既就一早被淘汰. 咁長久以來, 種族係適者生存既原理推動之下, 一代比一代聰明, 係可以預見.
而一個安全富足既種族, 不在乎你聰不聰明, 都可以生存繁殖, 反而, 強壯既搶得多d, 食得多d, 又生得多d既, 先至係進化既大贏家. 進化唔係選聰明, 而係選強大.
有人認為, 幾萬年前人類由原始人進化成智人既階段, 係剛好遇上冰河時期. 當時既原始人大量死亡, 死剩一班為數可能只得幾十至幾百人, 但十分聰明既一家人. 佢地掌握到冰河時期求生既秘訣, 所以冇絕種. 由呢一家人, 分支, 移民至世界各地, 發展出現今世上所有民族. [詳見national geographic 的 Human journey https://www3.nationalgeographic.com/genographic/atlas.html.]
假如唔係個一次冰河時期, 可能現時係大地上走動既除左智人,仲有其他如直立人個d人類. 佢地冇智人咁聰明, 但就強壯, 係好環境時, 未必便會輸比智人.
反觀海洋之中, 溫度差距唔大, 食物充足, 唔需要到好聰明既動物都生存, 所以就冇左向智慧進化既壓力. 有人可能唔同意係海度搵食係容易過係陸上. 咁在下舉個例子: 只要有過濾既器官, 海中既巨無霸: 鬚鯨類, 鯨鯊, 魔鬼魚等, 日日擘大口就食得飽, 真個飯來張口! 唔需要追蹤獵物, 唔需要戰術攻擊, 唔需要為找食物而合作溝通. 海洋相對來講係天堂, 陸地先至係絕境. [只不過生活係陸地既我們可能唔多覺啫]
係人類大肆破壞海洋之前, 的確係咁. 不過, 係近百年來, 人類破壞海洋環境實在 [不遺餘力], 而家係海洋中會唔會發展出超智慧生物來抗衡人類, 仍是未知之數. 話唔定將來會出現一少撮極聰明既中華白海豚, 係香港水底建築起圍牆城堡, 係一片污染中掙扎求存, 重演人類跨越冰河時期既進化,....
---
由環境學, 進化論和人類歷史出發, 毫無事實根據, 純粹個人意見 = 吹水
圖片參考：http://tw.yimg.com/i/tw/ugc/rte/smiley_9.gif