美國旅行有甚麼好行程介紹？

正如樓上所講美國好大,成幾十個州,每個州又咁多個市,每個市差不多都大過香港,12日點去得晒?
譬如去中國一樣,要去華東就上海杭州蘇州,去唔到西安,桂林,要去雲南就去唔到北京,天津
如果真係要去玩足12日,都去唔晒咁多地方,因爲開車時間多過你玩嘅時間
我試過跟團,又試過自由行,各有各好玩,不過費用就差天同地
一家四口去玩足12日,租車,電油,住宿,一日3餐,入場費等冇10萬都要8萬至掂
而且你開車時,你D家人有咩好做,只有瞓覺,因爲行高速公路沿途乜都冇嘢睇
跟團就唔洗5萬可以玩7日至8日,你自己考慮(你第一次去我建議你跟團家人會玩得開心D)
如果你真係要自由行,只可以同你講帶定地圖同旅遊指南
可先去三籓市,再南下落去LA,之後向東北開車去拉斯維加斯,E幾度地方嘅景點已經係精華遊,如果再東行都唔知點介紹你,信我唔好帶家人自由行啦,去完返嚟D家人怨你一世架
至於去美國第一件事就係申請旅遊簽證,跟團就乜都幫你搞掂包括航空機票來回,食宿,景點,歷史介紹,交通安排等等
至於自己買機票只要唔係旺季同一個月至一年open ticket都會平D,間間航空公司差不多(國泰除外)

我都讚成上面嗰位咁講， 同家人來美國最好係參團， 尤其是同父母等。因為做領隊， 辛苦完仲要俾人怨。去得多地方又話走馬看花， 又話攰， 去得少又話唔抵。

而且美國唔同歐洲， 日本， 可以搭火車周圍去。 遊美國要駕車， 雖然而家有GPS，冇咁容易蕩失路。 但都要時時準備路程，計算地點到地點時間。旅行社有巴士送你去， 唔使去到旅遊景點搵位泊車。（多數好難搵到）。

旅行社可以住好啲嘅酒店， 因為佢哋機票同酒店都有折扣。 自己去要俾多好多錢。而且你有4人， 可以住4人房， 因為美國酒店每間雙人房有兩張雙人牀。

至于行程， 無論你自己去或跟團， 都可以去旅行社攞行程表， 鍾意去美西定美東， 跟住旅行社嘅路程去。有12日， 有啲團甚至可以去夏威夷， 美西， 美東， 去埋多倫多， 溫哥華，至番香港（唔係好清楚而家有冇咁嘅行程。你自己去就去唔到咁多地方。

不過跟團要自己俾餐費（美國酒店包早餐）， 景點入場費， 同埋要每人每日俾導遊， 司機貼士（有規定俾幾多）。

機票可以去香港 Priceline 問。

第一次去美國旅行， 全家都要攞美國入境簽證。

美國是好大, 正係西岸加州都分開 Northern CA and Southern CA. 通常香港人多數都是去 Southern CA 玩. 即是 Los Angeles. 因為有好多主要旅遊點都是集中 Los Angeles. 至於行程好物介紹？ 就要等你決定去邊才可以介紹.

如果是去美國玩是需要自己駕車, 租車是非常容易, 一出機場大把租車公司.

波士頓。
唔知道。我曾經搭Nouth West航空公司去美國。
申請美國簽證。