急! k f c 多 問 .. ..

做kfc有冇得休息+?
如果有咁係唔係佢會叫你休息+?定係自己想休就休?定係限你幾時休?

答: 正常1星期休1日..會補法定假期...另外可以自己向經理提出休息。

咁係唔係肚餓可以係果度攞野食?
答: 係, 會有張紙比你寫,寫就有限食什麼,實際可以係經理唔留意時拎幾多食幾多。另外食飯時間是20mins, 我以前做果間kfc旁邊有吉野家, 食野時可以用果20mins去買及食, 但要自己比錢。


係唔係返工第一日經理會同你講可以任拎野返屋企食？(聽人講話可以任拎野返屋企食bo)

答: 如果你返晚, 姐係去到kfc落閘時,你係可以拎餘下既食物返屋企。其他時間放工,我相信係你第1日返工係唔會比你拎走,但你同經理or員工熟左之後就可以。


kfc係咪有更衣室比人換3 ?!!

答:10間kfc,9間冇更衣室。你一係去洗手間換,一係就去倉換。

如果''有時''得閒可唔可以同經理講做多幾個鐘,*佢會晤會記得補返果幾個鐘錢? = =''
夠鐘放工換完3走啦洗唔洗同佢講聲,定直接走 ?

答: 就如上面果位見習經理所講, 就算你果日返左8小時,佢都可以偷偷減你時間(特別係暑假時候),而且唔係話你得閒就可以做多幾小時, 要睇當日人手夠唔夠, 及果間kfc營業額定,如果間kfc唔旺,就算你返多幾小時都冇用,係到罰企-_-會考後或暑假時, d經理唔會想你返咁密, 暑假後就輪到d經理求你返工/_\...當經理幫你拉卡out機後, 你就可以換衫走,唔洗同佢講聲都得!


做kfc會晤會好受氣+?!!

答: 絕對受氣!! 我試過2次最受氣事件。
1) 我之前做收銀時, take緊order時,有個丫婆叫我比柸水佢, 我就汁野食時順便拎埋比佢, 點知我前面個客就大聲罵我!!仲同經理投訢我手腳慢, 又話我汁汁下食物就做其他野! 好彩個客投訴完我, 轉頭個丫婆同個經理講好說話。呢件都係我最感動的事!因為好少好似個丫婆禁會幫你講好說話!
2) 某日個客要左一個餐, 我汁完食物比佢之後, 佢用手拎起隻雞上脾掉去我到, 仲罵我做咩拎件咁細件比佢, 其後比錢仲要掉比我!!

總之出黎做野一定會受氣, 不論什麼工作!!我+下做文員又係一樣受氣!


其實我都覺得做m記好d...人工高d..福利好d!!
又有更衣室,儲物櫃,工作比較有系統,不似kfc咁亂
而且又唔會好似kfc cut 鐘!

我做左kfc3年.由pt做到見習經理...我諗你唔做好d- -
kfc會比你休息..間間鋪都係1個week咁編更..人手多數唔夠..1個week返6日
食野佢會教你填張表同點拎架啦
正常佢地係唔比你拎野食...經理好人既你咪可以拎囉
你預左無更衣室好d..多數叫你去洗手間換
唔夠人手d經理就會留係到/返工....人手多就會叫你走..kfc定理- -"
走要同經理講..佢係負責拉卡入電腦計你人工
做咩工都會受氣- -"
點解唔做m記- -?

2008-03-26 03:36:35 補充：
樓上..
人工唔一定比足架...
kfc好多時d經理唔記得幫你打卡架...同埋有d經理好狗..未夠鐘or你未做完野就幫你out機啦...我就識唔少呢d經理

做kfc有冇得休息?
答:一星期兩天休息

如果有咁係唔係佢會叫你休息+?定係自己想休就休?定係限你幾時休?
答:timetable定左...講明你逢星期幾休息....
可能調更或請假,佢會要求你找其他人幫你頂

咁係唔係肚餓可以係果度攞野食?
答:要經理批准你食飯先可以食....每4小時一次..但rush time未必準時放你食飯....做左幾日,你可以要求放飯....每個員工食飯時間唔同,輪住食

係唔係返工第一日經理會同你講可以任拎野返屋企食？(聽人講話可以任拎野返屋企食bo)
答:經理梗係唔會咁講啦....不過kfc晚上多數都有野剩~可以拿,但唔o岩rules的....睇經理點啦...我以前做,經理見你拿都冇乜野...但多數可以拿都係過了11時打烊


kfc係咪有更衣室比人換3 ?!!
答:有...但基本上係雜物房~~我以前做M.K那間,房門不能關....會有一個大牌遮住度門.....你要叫男仔幫你「睇水」...我識那幾個男都OK,唔會偷窺


如果''有時''得閒可唔可以同經理講做多幾個鐘,*佢會晤會記得補返果幾個鐘錢? = =''
答:基本上KFC係每人一個員工號碼....每日返工叫經理打卡計時,放工再講號碼...所以你做幾多,會計幾多的....$$應該唔會俾少~

俾D心理準備你....如果你做旺D的店....你想放都冇得俾你放
以前我時間表係11-8....做到10時半都唔俾放AR....係經理求你做多陣...因為夜晚臨打烊總有人買桶餐食宵睇波

夠鐘放工換完3走啦洗唔洗同佢講聲,定直接走 ?
答:走之前記得同佢講,放啦...講號碼俾佢聽,你望住佢在電腦幫你SET返個放工時間...之後你咪講BYE囉...之後先換衫,換完咪自己走囉~

做kfc會晤會好受氣+?!!
答:坦白講....都幾受氣!!!!我有個FD頂唔住...但那時都係會考兼職去磨練下JIE...但真係人工又少,最慘係企足12個鐘辛苦死.....Anyway,我覺得係好好的體驗.......而且好多工都一樣要受氣架啦~
年青人,中五做part-time試下都ok.....但長工我覺得會太辛苦