那一部較好? **Canon Ixus 970 IS** or **Ricoh R8**?

呢兩部比較我會建議Ricoh R8多啲.
IXUS 970 IS設計冇乜新意,淨係加咗人面對焦,Digic III咁又算出咗後繼機,而佢最大至命傷係最廣角焦距只有37mm,現在新機都己經差不多開始28mm化,除非係卡片機,否則仲出37mm真係冇乜誠意.淨係呢個缺點都可以out佢.
相比下R8焦距有28-200mm,己經包晒廣角及遠攝.個mon又有46萬像素.微距也不弱,雖然係28mm焦距,但係可以近至1cm都對到焦.R8有一樣唔係幾好係最大光圈只有f3.3.比主流既f2.8細咗小小.
至於所謂背光拍攝其實冇廣告中講得咁正的,處理方法有兩種,一係就夾硬加大曝光值,乜都唔理淨係要個人.冇錯個人就係夠光,不過背景就好似天堂咁光晒.其實所有相機都做到,只要自己狂加曝光補償就得.另一種處理方法就係靠機內軟件推光暗位,咁好似好啲背景唔會爆,但係夾硬推光暗位副作用就係暗位會好多雜訊同埋好淡色.差小小就得,大背光的話效果肯定好怪.而事實上電腦亦有軟件可以做到呢樣嘢例如Photoshop既shadow就係同一原理.不過而家由相機做咁解.
背光仲係諗辦法補光或者改翻正光影會正路啲.