點解我成日無記性

唔好太擔心先,我地成班同事,有老亦有年輕的,情況跟你的好接近,都係忽然無咩記性,我地經過討論,從工作生活中分析,得出幾個因素,你睇下自己有無相同特質哪..
1.我地工作超忙,好多時間,會同一時間處理好多突發事件,我地都一把勁咁衝刺,就係咁過左一段時間,我地開始成日唔記得野,例如人地剛剛講完,我地轉頭就忘記得一乾二淨.我試過唔記得鎖匙放你邊.結果搵左兩日.好慘.......><
2.我地都係快餐一族,成日都食外買,聽人講,味精食得多,會影響腦部,我覺得真係有d道理,我自己就係咁,後來我放左一次長期,堅持唔食有味精嘅食物,感覺真係好好多.好多野唔駛花力氣就記得到.真係呀....無欺騙你ge.
3.經常休息唔夠,我發現成日夜訓都會令身體機能下降,當然,亦會影響新陳代謝.所以唔記得野囉...
上面係我地經驗過嘅,當然,有部份原因係同年齡有關,但無可否認,生活習慣係好重要因素之一,我工作關係,因為唔可以唔記得野,所以因應自己需要,改變下生活態度同習慣,最近,好多野都唔駛用簿記哪,進修嘅科目亦過關順利,分享下自己嘅經驗先.

a.係工作桌上,有一個直立式日歷,有一大格那種.方便記得每日要做嘅野.如1你係讀緊書,咁都可以考慮下,我特別買自己喜歡的大口仔,等自己每日都期待去多看幾眼...^^
b.跟據資料,每日早上先執好工作用嘅野,午餐後再執下午用嘅野,呢樣野好有效,我睇到身邊其他同事,無執野嘅習慣,日日都好亂...
c.放工後,我同自己講,唔好太著意要記得d咩,返屋企就好好休息,做自己喜歡d野,等個腦有休息空間...呢樣野真係幾重要.
d.我食好多蔬菜,如果唔得閒,都會飲菜湯,我感到身體內好舒服,其實亦表示有排毒功效...
e.我考試時,因為自知記性一般,狀態唔太好,所以只有寫好多岩自己嘅筆記,好刻苦下咁去溫,結果幾次考試都ok....我自己都覺得好開心...
總結: 我唔係咩野專家,不過我發現自己唔記得野嘅時候,都有d煩惱,又唔係太老,咁樣的確太可惜,而且一向自命記性好,真係接受唔到.所以我會比自己休息空間,當然,我要做d野,令自己休息嘅同時,可以即時改善工作效率,係放長期時,我比自己有充分睡眠,每天早上感到精神奕奕,真係好正......
記性除左因病影響之外,我覺得真係同生活習慣有關係ge,需要時間慢慢逐步轉變過來..........加油哪....

我都係30未到，我同你的遭遇一樣，以我的問題來說，
我更嚴重，我係望住人地，佢同我講野，我望住佢聽，
講完就唔記得了。

其實我估計你的問題係過份焦慮，因為我就係咁樣，
一時自已太緊張，搞到上堂和聽人講野，一完就唔記得，
所以我覺得你可以係上堂的時候，真係盡量放鬆自已啦，
我睇到你的問題，就覺得你有點兒緊張罷，所以呢，

都係RELAX RELAX

重有的是，如果你真係怕唔記得，就用notebook記低啦!!