點解巴士司機要在落車位上車呢?

當然唔係一定啦.........
如果你留心一下, 你會發現金車司機比較鍾意用前門上落.
既然你問開, 咁又講多d 啦.
1) n 年前既雞車鴨車, 司機係在司機位旁既趟門上落.
而趟門長開既原因, 係因為司機艙旁既引擎太熱,
雖然後來加左風扇同厚墊, 但司機仍愛打開門渣車.
2) DA/DB 牌既車, 車內既開關門係按掣制的,
而後門既太平門掣只有開門按鈕, 沒有關門按鈕.
因此司機在後門下車後, 要行返去司機位,
從車外伸手入車內按掣關門.
而上車時就可以直接揭開太平門, 按掣開門.
3) 後來就轉為扭柄既門掣開關. 扭柄既轉幅只有90 度.
這時候就開始有個不成文規定, 就係:
車內扭柄打直時, 門必須關上.
車內扭柄打橫時, 門必須開啟.
車外扭柄則相反, 正常情況下,
打橫(水平方向)係關門, 打直(指向地下)就開門.
這是因為不同司機每日都有機會渣唔同既車,
如果有人渣中你部車時, 他們都唔會撈亂門掣開關.
車長落地個段時間, 如果要關門既話,
門掣會完全調轉, 但唔緊要,
最緊要係再次開車時, 所有門掣都會跟足返呢個規定.
用後門上落, 就因為兩個原因:
A) 唔怕D 人湧上前門上車.
B) 可以坐定定先開門比人上車, 不會造成司機同乘客爭上前門既混亂.

4) 金車又因為安全問題, 用返按鈕門掣.
並在車內前後門既上方, 加了一個開關門掣.
其實呢個門掣, 在歐一既富豪(九巴就GW 牌打後) 既後門都有.
原理係, 按下就關, 拔起就開.
你也許會奇怪, 為什麼見親金車司機都係咁下車?
先關掉前後門, 然後走到前門, 拔起車內前門上方既太平門掣,
馬上又按下前門既太平門掣, 並迅速跳車.
這因為.......金車又復古了, 回復到DA/DB 牌既時代,
車外太平門掣只有開門按鈕, 沒有關門按鈕.
咁既然前後門都咁麻煩, 佢地先會選擇用前門落車.
又想像下如果你係白板車司機, 你想用前門落車.
之前都講過, 歐一富豪只有後門才有車內太平門掣......
咁你咪要用司機位既門掣, 開定門先, 然後先步出車外.
但同時, D 客咪會誤會以為上得車LOR, 因為見你坐在司機艙內又開門嘛.
但金巴為什麼沒有這問題? 因為司機開門時,
身在車門後面, 不是在司機位內, 有乘客上車時你都可以閘住佢.
(不過講真, 乘客見到你一副準備跳車之狀,
仲會唔會行咁埋去比你撞呢? XD)
然而金巴開門時, 簡單多了, 像平時一樣用車外門掣開就可以.
如果要顧及扭柄方向既車, 你留意下, 多數個個門落就個個門上,
否則扭掣既方向就會亂左, 要調整多一次 (或車外或車內要扭多一次)
因為金巴係按掣, 不是扭掣, 所以不用理會扭柄既方向,
即是可以前門落車, 後門上車.
白板車如果前落後上既話, 車內既扭柄就會岩岩相反左.

個人而言, 覺得扭掣既反應快D, 同埋你冇咁容易摸錯掣禁.
你只須要FEEL 下支柄就可以拿準了, 不用像金巴般,
前後五小顆門掣, 你要摸準, 都有D 難度.
(五顆門掣: 開前單門, 開前雙門, 關全部前門; 開後門, 關後門.)

2008-03-26 23:21:56 補充：
見過渣富豪白板車既車長, 全部門關掉在車內睡覺.
後來想出去車外面, 就用後門既太平門掣, 一拔一按, 然後跳車.
(用呢個太平門掣開門, 係唔會有叮叮叮聲, 而且馬上關門.)
此時司機位既門掣係打直, 門外既門掣係水平, 即係好似平時司機渣緊車個setting 咁.

之後司機用後門上車, 就用門外太平門掣, 又係一開一關, 然後上車 (今次就有叮叮聲).
這樣就可以遷就返去正常既門掣settin',
否則要度門關.....
門外既掣就會相反左, (因為你由頭到尾只係郁左一下, 唔係兩下)
司機位門掣又會相反左. (理由同上, 扭既次數要係雙數, 先至會去返正常情況.)

2008-03-28 17:36:07 補充：
如果太亂唔明既話可以email 讓我知道 ^^

001的答案錯喇
唔一定個個巴士司機係後門上車,只係巴士司機鍾意
上車門是有上車掣的,但司機防止有人衝上車,所以多數係後門上車

因為落車位門口外有一手制可開門，司機可開門上車。
而上車門口外則無開門制囉。