威馬電/日立/三洋/聲寶飯煲

若果你硬要將威馬所出嘅的多功能微電腦fuzzy logic電飯煲，跟啲日本同類型嘅品牌作個比較嘅話，以我意見認為，日本品牌嘅電飯煲始終會略勝一籌。
威馬係香港品牌，技術研發和歷史還未及得上眾日本品牌优久和成熟。而且以耐用程度而言，日本品牌電飯煲嘅品質始終係略為優勝。所以，若果你諗住個電飯煲用上三五七年嘅，花多一二佰蚊，買個日本品牌始終會較好。
用威馬？租人屋住，退租嗰陣唔攞走個煲，嗰時咪用佢囉！
不過，日立/三洋/聲寶 嘅電飯煲未係算最好，要用就首選樂聲 Panasonic 嘅電飯煲，佢始終係較出名，品質最好，歷史优久，可靠耐用。

我個人覺得要買電飯煲之前,你自己心目中想要啲咩,例如要平呀?要美觀呀?要無咁易壞可以用好多年呀? 如果你只係想Choose威馬/日立/三洋/聲寶嘅話,後者3個牌子可能會貴啲用嘅年期長啲,威馬始終係新牌子,信心問題,你要自己考慮.

我屋企之前係用樂聲牌無其他功能只係用嚟煲飯蒸餸,嗰個都用咗10年多.而家換咗個新嘅係Panansonic多功能,可以用嚟煲粥,稀飯,紅米,蒸餸,焗蛋糕.當然一分錢一分貨啦.