點解咁耐都唔肯表白?要咁曖昧?

我今年18
男人今年26

我同佢係一個好多人都唔認同的關係上認識

佢係我興趣班上的老師

可能大家都係年青人,特別投契,特別岩KEY

跟住大家好快做左朋友,相約行街,食飯,睇戲。

我發覺佢對我好好,出街,當然次次佢俾曬$,

佢好有風度.所有野都就曬我,問我意見,

我自問個樣都ok,而家,差唔多兩星期就去一次街

之前有一排一星期就去一次,不過佢好君子,從來都冇郁手郁腳。

晚晚都會有傾計,無論電腦又好電腦都好,keep住有聯絡

起初佢會同我講佢識女仔d野,因為佢冇女朋友,不過近呢幾個月,佢再冇講。

同埋我地晚晚傾計,我知道佢每日行蹤.似乎真係完全冇去識女仔。

好多時我問佢好多問題,佢自然都會答埋d曖曖昧昧的答案。

仲有,每次出街,佢成日都會當眼定定咁望實我,

無論我做緊乜野.當有人咁望住自己,好自然就會feel到同埋覺得唔自然

所以就問佢,點解要咁望住我.佢每次都係答:因為你靚

我同佢住得都OK遠,每次去街都會送我返同一個地方,雖然未係屋企樓下,

但對佢黎講,真係好遠.仲要搭多成個鐘車。

我發覺自己鐘意左佢,因為佢對我好好,同埋大家有好多共同興趣,

仲有.佢好似我一個好鐘意的偶像!

我好想知佢有冇鐘意我?

同埋係咪應該驚影響我學業,所以唔同我表白?\

雖然呢個年代女追男唔係D乜野大事,不過我好傳統,我覺得咁樣好醜,

所以我點都唔敢開口。