求下你地,幫下我,我隻狗有事..好擔心

我屋企有3隻狗,分別係史立沙(女,6歲),約室爹利(男,1歲),北京狗(女,大約11歲)

隻約室爹利好惡,成日蝦果2隻狗..

星期2(18號)果日,隻約室爹利又蝦隻北京狗..
咬住佢條頸d毛係度fing,之後唔知點樣咬到北京狗隻左眼,
我開頭都唔知,我聽到佢地d打交先先跑入去..
隻約室爹利怕我打佢,自己走左,之後見到我隻北京狗係度吠,係度叫..(次次比人蝦完就會咁樣),開頭我都唔知..
我就抱起佢呵返佢錫下佢安慰佢..我見到佢隻有d紅色野..
就用紙巾幫佢印,點知佢隻眼流血..

開頭見唔到個傷口,第2日我睇下佢,我見到佢隻眼虹膜果個位有個白色點,之後眼有白色野,我想幫佢抹但佢不停避開我唔比我抹,眼白位好紅..

之後幾日都係呢個情況,我今日見到佢.佢開頭隻左眼好似睜唔開咁..
(佢平時都有眼屎)不過依家情況更嚴重,眼下面有好多啡色..
佢睜開左隻眼,隻眼傷口果個位變左層白色野,之後其他位好似有層膜包住隻眼咁,(唔係白色架..啡啡地..)

但佢就冇嘔冇痾,得隻眼有事..食慾都仲好好..

佢係咪有角膜炎啊?

好驚,好擔心,好心痛..
佢陪左我十幾年,係我自己第一隻狗..好驚佢會有事..依家每次見佢,我都忍唔住會喊..
希望有心人可以幫到我..
我仲未有錢可以帶佢睇e生啊...又唔敢問我媽咪借..佢自己都唔夠錢洗..
我暫時可以點樣護理佢啊?買消炎藥同葡萄糖水比佢食住先o唔ok?

求下你地幫下我..我真係好擔心啊依家..