✔ 最佳答案
樓主問左一個非常好既問題。羅馬城同羅馬帝國係兩樣野,但事實上羅馬帝國係羅馬城政權既延伸。
“羅馬”本身係一個幾複雜既概念。羅馬本身只係一個城,建於公元前八世紀,受當時既伊特魯利亞帝國管治,所以羅馬當時只係伊特魯利亞文化既一部份。後來羅馬夠強大獨立,將呢個城市變成一個獨立國家,並取代伊特魯利亞帝國成為意大利半島上既主要國家,以共和政體運作,後來更以該城為中心係意大利建立左一個強大既國家。係第一任皇帝奧古斯都之前,羅馬共和國既範圍已遍及地中海沿岸,當時該國既國號係“羅馬”,而首都就係嗰個有幾百年歷史既城市,佢都叫做“羅馬”。而係共和國居住既人,無論係唔係住係羅馬城,都叫“羅馬人”。以英文黎講“Rome”係指羅馬城,“Roman Republic”指羅馬共和國,“Roman Empire”就指之後既羅馬帝國,而“Romans”就指羅馬人。
後來西羅馬帝國係公元476年滅亡,以君士坦丁堡為都既帝國東部稱自己為“東羅馬帝國”,而係意大利上既舊都仍被稱為“羅馬”。後來連東羅馬帝國都被滅,從嗰陣時起,“羅馬”就只係專指依家係意大利既嗰個城市,呢個城市係公元前八世紀建立嗰個城既直接延續,所以現在羅馬城至今已有二千七百多年既歷史。依家既羅馬唔係一個國家,而係意大利共和國既首都。