請畀d意見

表面上看似乎好好，但你要清楚幾個要點。
1 你冇提及如果供款期的10年內，你需要住院而claim 了保險，會唔會影响到10年後提取的總金額。
2 如果供供下無錢供，假設第7年冇錢供，你之前供左的錢攞唔攞得番，可以攞番幾多。
3 粗略同你計算過，如果月供金額不變，銀行年息3.5%，你供足10年，可以滾存到$78,097。回報比保險高。
4 其實遇到意外入院的機會不高，反而疾病住院的機會高好多，如果只保意外入院，你個plan 機本上係駛賠錢。你試下問下你身邊的朋友，有幾多個係近10年內發生意外而需要入院。你就知個發生機會率有幾高。
5 一般人壽單可以加做意外保，全面好多，價錢亦好平，幾百元一年都做到，包埋住院開支，同傷殘賠償。你問下保險公司。
6 保險歸保險，投資歸投資，咁樣你先至會得到最好及最合適的回報。
7 適合不懂投資人士的投資產品都有好多，但要小心揀，同埋要衡量自己的經濟能力。好多時個sale只係講產品的好處比你聽，你要曉得問，同分析那個產品是否適合你。
呢個唔係最好的plan ，你再去其他銀行問下拉，唔明就寫問題，好多網友都幫到你。
涉及年期長的投資，要小心揀，唔駛急，一急就好容易買錯野。

所有計劃都有優點同埋缺點，最重要是了解客人真正所需，其實銀行推出這種計劃，職員充當銷售員，只是列出計劃特色，然後加以推銷，根本不會了解客人真正需要。

他們會以儲蓄為名，賣這種產品，但別忘記，這個計劃是一份保險，不是一個銀行儲蓄計劃，客人對保障的需要多少，才是首要課題，然而，銀行員工為了開單，往往把它說成銀行的儲蓄計劃，這種做法是本末倒置。

計劃只是一件工具，是否適合，就要了解客戶的真正所需。

我建議你的朋友見面，以了解是否真的適合。

呢種係保費回贈既計劃
如果當佢係一種儲蓄計劃
咁佢十年後最多都係賺5%已付保費
平均單息0.5%增長
比銀行活期仲要低...
如果想要固定回報不如買儲蓄保險或者年金仲好

不過如果想當保險咁買 而自己又有閒錢
咁買呢一類型既計劃都無可無不可

首先你要明白保險糸唔會，沒有保費和行政費, 即係受保人完全唔洗畀任何費用.....不要自欺欺人、更不要受銀行職員誤導！
供10年先有5%利息以回報計不吸引 ( 每年0.5%咋)
如你要買住險現金保險，响保險公司買一個無回贈保障計劃先一年一千幾佰保費，差額你買細價藍籌股好過！
最後利率不會未來10年都咁低架！一定會昇架！
有時間學吓其他投資好過！月供基金也不錯！

保險只是保障，當你有事的時候才有用處。但往往身體健康的時候是一點用處也沒有。保險最好與投資分開，而投資不要拘泥於某一形式，樓宇、股票、基金是投資，皮草、玩具也可以是投資，於自己最熟識的範疇留意多一些，往往能發現最佳的投資機會。