成功背後有女人,還是有女人先有成功?

小朋友,你剛剛滿21咋,未拍過拖唔出奇呀!
如果你人際溝通唔掂,工作無份做得耐,咁即係點先?
既然男性朋友你都覺得難溝通,咁你都唔容易同女性朋友溝通喎!
你一定要先做好自己,工作要有責任感,唔好懶懶散散,人際關係好d,對人有禮貌d,唔好怕蝕底要樂於助人,如果你有一個好形象,咁就容易吸引到別人喜歡同你做朋友,就容易識到好女仔啦!
"成功的男人背後一定要有好女人支持",呢句說話係講本來個男人已經好叻,如果有個好女人幫佢打理家務菅教子女,等佢無後顧之憂,就一定更成功啦! 或者有個叻女在事業上幫呢個男人,做佢左右手,雙劍合壁一定所向無敵,咁梗係會快d成功咯!
但係唔好的女人就會累男人,就萛個男人好叻,如果佢個女人樣樣都同佢唔合拍,成日搞好多麻煩野出來要個男人煩,有d野又好做唔做,可能會影嚮到個男人的事業前途添,咁呢個男人又點會成功呢?
所以你問男人是否有女人就有成功?
我答你係叻男人 加好女人先可以會有希望成功呀!
你想做成功男人的話先要自己叻 d,再搵個好女人幫你就ok咯!