高考完之後,如果我英文唔合格之後........請高手過目..謝謝

當然可以一邊做野, 一邊再自修及下年考多一次英文一科. 大學接受高考combine cert的, 但有些大學學系會扣分. 仲有要記住, 你想下年報大學的話就要係今年9月-12月再報多一次JUPAS.
至於大學收唔收就好難講, 因為我唔知你所謂的「唔錯」代表各科有甚麼成績, 以及你會選擇甚麼課程. 因為上年的Lower quatile接近下年大學的收生要求, 所以想勝算大一點, 你的成績應與lower quatile貼近, 想穩陣當然就係過中位數. 另外, 有些學系會極看重學生的面試表現. 在此情況下, 面試表現就是首要考慮.
最後提醒一句, 高考唔好過份樂觀及輕敵. 有些人考試前滿以為自己高考可以考到好多A, 但實際成績差好遠. 而且好多高考科目尚未開考, 所以亦存在不少變數.
P.S.: 如果你怕英文唔合格, 你想入城大及浸大的話, 你可以考IELTS (academic)做保險. 兩間大學都將IELTS (academic) 6.0的分數等同UE合格. 但始終最好都係UE考到合格, 因為唔係每間大學考慮參加JUPAS時, 都係考慮IELTS成績.