我唔知點解我會咁樣……

我鐘意左一個男仔，佢ok伶仔，讀書大部分都ok(佢讀C班我讀A班)，係音樂同英文唔好。佢一直當我朋友(但係唔知係咪好朋友)。有一次佢俾阿Sir罰每日作一篇英文嘅作文，佢又知我英文好，所以特登打電話黎問我肯唔肯幫佢每日作文，我鐘意佢咁梗係唔會拒絕啦。

於是佢每日做完功課就打俾我幫佢作文，雖然我會多左樣功課，但係我仍然會幫佢，希望佢對我有好感。後來我問佢：「點解咁多人唔搵，係要搵我又唔搵第二個﹖」「因為你英文好，而且我搵慣你作文。」個時我真係sweet到脾呀~作完文之後我地總會傾下閒計，佢完全唔知我鐘意佢。

跟住我d fd去同佢講話我鐘意佢，佢唔信，佢仲咁講：「下！唔好玩啦~」佢份人一向都玩世不恭，所以d fd咁同我講我覺得不足為奇。

之後佢都唔駛再作文，因為我幫佢調教番好少少啦。佢作文前佢班主任成日針對佢，後來俾我教到好聽話。(最起碼唔會頂撞佢，操行佢班主任仲俾左個B+)

我以為佢唔會再搵我，點知佢仲係每日打黎，咁我就問：「其實我都幫你作完文啦~照計你都唔再會成日打黎格。」「因為我同你好傾囉~其他人都唔識搵話題~就算識都唔係好似你咁多。」我唔知點解會覺得好光榮，於是我就真係差唔多日日同佢係電話傾咁濟。(每次都係佢打黎，因為我成日打過去佢會嫌煩，而且我驚佢唔得閒)

呢個情況由十月到宜家都仲係咁，不過呢排(放假後)唔知係咪個天玩我地，我得閒個陣佢又唔搵我，我出左街佢先打黎屋企搵我，我真係好hurt囉，因為我有六分之一日嘅時間都係要黎等佢撩我傾計嘅。我宜家個心嗱住嗱住，成日都問自己佢係咪已經冷落左我。

請各位有心人士幫我解開呢個心結，同埋唔該都推介一d歌係能夠形容到我宜家呢個心情，唔該曬咁多位同麻煩大家用咁多時間去睇我呢篇嘢。^^