Royal Hotel(皇都酒店 澳門)

我住過2次,因為近民居,所以冶安都唔會太差,不過要食野/買野都係要行番落去起碼兩條街先到.
無風景睇可言,以前出面未起個運動場就見到一個西式墳場,不過依家俾運動場擋左,主要都係睇到D民居.
早餐無咩好食,唔多選擇.雖然翻新左,但地方都係乾淨番少少,我第二次入住時,張床訓到我成晚周身痕忝.
我建議住皇庭海景好過.雖然在乙水仔,但較新,張床好大,而且近威尼斯人,行過去20分鐘到,但要出返去市區就要行返出運動場出面先有巴士搭,但個VIEW真係一流,尢其是望向威尼斯人果邊.如果你在碼頭等酒店專巴,班次唔係好密,但你可搭皇庭隔離果間金龍酒店既專巴都OK,因為佢地只會當你係去賭場賭錢.你落車後行過去皇庭都係5分鐘度,但班次多好多,而且係大巴.

指正:

接駁巴士係搭去"金都", 唔係金龍. "金都" 係路氹個邊,即係你話威尼斯人個邊, 金龍是在近碼頭, 漁人碼頭對面, 唔好搞錯, 兩個地方相差十萬九千里.