不如你去招商(香港)試下啦
香港招行有一種服務, 叫一卡通, 年費HK$120. 呢種服務, 名義上係幫你開兩個香港戶口, 一個大陸戶口, 但係我用落, 發現其實係有4個戶口: 香港港幣戶口(以下稱為戶口A), 香港人仔戶口(戶口B), 大陸港幣戶口(戶口C)同埋大陸人仔戶口(戶口D)
香港招行全港只得一間, 在中環美國銀行大廈, 辦公時間係星期一至五, 朝9晚4點半,
http://hk.cmbchina.com/ .
大陸銀行戶口的人仔定存利息: 半年定期3.78%p.a. 1年定期: 4.14%.p.a.
你可以先在網上填FORM, 然後等佢地搞掂晒d文件之後, 再上去香港招行簽名拎”一卡通”戶口卡同埋網上理財軟件
如要將港幣存入戶口, 你可以帶cash上去招商(香港), 寫cheque或者用繳費靈.
將港幣兌換成人仔, 可以在網上做, 有幾種方法, 比較方便的方法就係呢個: 將錢由戶口A匯到戶口D, 過程自動包含兩個動作, 一, 將錢移到去大陸, 二, 將錢由港幣兌換成人仔. 免手續費, 不過全年只可以兌換等值US$50,000的人仔.
假如你手上有人仔, 可以將錢存入戶口B, 然後匯去戶口D, 每日最多可以匯幾多錢上大陸, 真係唔記得, sorry. 頭2萬收RMB20蚊服務費, 之後每1萬收RMB20蚊.
錢終於去到戶口D, 可以做人仔定期. 只需要在網上理財軟件click幾下就做到, 唔需要去分行.