點樣可以令d頭髮厚d??

1.如果只係剪頭髮剪薄左, 應該等佢生返出來就ok。

2.想d頭髮長得快d多d,可以買一隻日本品牌叫2001既洗頭水+護髮素,佢用中藥做,可以刺激頭髮生長,生多d,快d,係髮型用品專門店有賣。

3.洗頭時唔好太熱既水洗頭,亦唔好用手指甲抓落個頭皮度, 要用手指頭d肉慢慢按摩頭皮, 加速頭皮既血液循環, 個頭皮健康d就會生多d頭髮。

4.用風筒吹頭唔好吹到太乾, 吹到8成乾就夠, 吹個時亦唔好用太熱既風亦唔好太貼近頭皮跟頭髮,如果唔係只會甩多幾條。

5.如果你係長髮,頭髮會打結,打結個時唔好夾硬用梳扯, 會甩好多頭髮。 要用一隻手捉實頭髮上半部, 打結位置在下半部, 用梳慢慢梳開打結部份。

6.得閒就焗油,但唔好太頻密, 太多都唔係好。

7.唔好成日染髮、電髮等等, 好傷頭髮, 有機會令頭髮愈甩愈多。

不過呢d野都係要長期keep住做先有效。

天然ge....成日按摩頭皮令頭髮生長會加快or用刷型梳~
焗多d油,令頭髮營癢好d...多食芝麻糊,和豆類,可以的話飲首烏湯~不過你想兩三個月就ok就一定冇可能!!!!!

外在加工....可以cut齊d....好似冬姑咁....又話者小小曲戈種...不過我唔知你中意fashion 定係因為個髮型師搞到你d頭髮好薄...所以你想好似以前咁???

p.s 你要記住,,頭髮同指甲仲有皮膚都不是衣服,每個人都有公母遺傳因子,唔可以話三几日改變得到~有乜問題可以send mail比我~我會詳答~

如果你想整厚佢..
可妁salon夾小小直栗米頭
但頭髮會旱小小